އަކްބަރު ޖަމާލް
4ބައިނަލްއަގްވާމީ ގުޅުންތަކާއި ދިފާއީ ޖިއޮޕޮލިޓިކްސްއާ ބެހޭ އެމެރިކާގެ އިހުތިރާމް ލިބިގެންވާ މަޖައްލާއެއް ކަމަށްވާ ދަ ޑިޕްލޮމެޓުން ދާދި ފަހުން ކުރި ތަހުލީލަކީ ހަމައެކަނި ލިޔުމެއް ނޫން ކަމަށާއި އެއީ ރަވަލްޕިންޑީގެ އަސްކަރީ މަރުކަޒުގެ ސިޔާސަތު ކަނޑައަޅާ ކޯރިޑޯތަކާ ހަމައަށް ހިފަހައްޓާފައިވާ ލޯގަނޑެކެވެ. މި ރިޕޯޓުން ސާފުކޮށް އެނގޭ ގޮތުގައި ޕާކިސްތާނުގެ ސިފައިން ތިބީ ސްޓްރެޓެޖިކް ގޯސް ހިސާބުތަކެއްގައި، ފަޚުރުގެ ނާކާމިޔާބު ފެންޓަސީއެއްގައި ކަމެވެ.
އަފްޣާނިސްތާނުގެ އިސްލާމިކް އެމިރޭޓް އޮފް އަފްޣާނިސްތާނުގެ އުސޫލީ، ދިފާޢީ، އަދި ޝަރީޢަތުގެ މައްޗަށް ބިނާވެފައިވާ މަޤާމުގެ ލޭންސްއިން މިހާރުގެ ޙާލަތަށް ގާތުން ބަލާނަމަ، މި ހަޤީޤަތް ފުޅާ ދުވާލު އަލި ފަދައިން ސާފުވެގެންދެއެވެ.
ޕާކިސްތާނު ސިފައިން މިހާރުގެ ސްޓްރެޓެޖިކް ޕެނިކްގެ އަސްލު ސަބަބަކީ ކާބުލާ ބެހޭ ގޮތުން ޕާކިސްތާނުން ދެކެމުން އައި ހުވަފެން ފުނޑުފުނޑުވެގެން ދިއުމެވެ. 2021 ވަނަ އަހަރު އައިއީއޭގެ ލީޑަޝިޕްގެ ދަށުން އަފްޣާނިސްތާނުގެ ރައްޔިތުން އެމެރިކާގެ ހިސާރުވެރިކަމާއި ބޭރުގެ ވެރިކަމުގެ ވިހި އަހަރު ނިމުމަކަށް ގެނެސް، އަމިއްލަ މިނިވަން އަދި އިސްތިގުލާލީ ސަރުކާރެއް ގާއިމްކުރިއިރު، ރަވަލްޕިންދީ ގަބޫލުކުރީ ކާބުލްގެ އާ ލީޑަޝިޕް އޭގެ ސިގްނަލްތަކާ އެއްގޮތަށް ކުރިއަށްދާނެ ކަމަށެވެ.
އަފްޣާނިސްތާނުގެ މަސްލަހަތުތަކުގެ މައްޗަށް ބިނާކޮށް ނިއުޓްރަލް، ސޮވަރިން، މިނިވަން ޚާރިޖީ ސިޔާސަތެއް އައިއީއޭއިން ގެންގުޅުމުން ޕާކިސްތާނުގެ އަސްކަރީ ޖެނެރަލުންގެ ބަނޑު އެނބުރެން ފެށިއެވެ. އެމީހުން އަހަރުތަކެއް ވަންދެން މެނިޕިއުލޭޝަން މެދުވެރިކޮށް ބިނާކުރި ނުފޫޒު ވަގުތުކޮޅެއްގެ ތެރޭގައި ތުނި ވައިރޯޅިއަކަށް ވެއްޓިގެން ދިޔައެވެ. ޕާކިސްތާނުގެ ސިފައިން ކަވަރެއްގެ ގޮތުގައި ބޭނުންކުރަން ފެށީ، ހަމަ އަމިއްލައަށް ކުރި ސިޔާސީ އަދި ޑިޕްލޮމެޓިކް ނިކަމެތިކަން ފޮރުވައި، ކާބުލްގެ މައްޗަށް އަމިއްލަ އިޚްތިޔާރީ، ކިޔާ ނުފޫޒު އަލުން ހޯދުމަށްޓަކައެވެ.
ދަ ޑިޕްލޮމެޓްގެ ރިޕޯޓުގައި ހާމަކޮށްފައިވާ ބިރުވެރި ޑިފެންސް ތަފާސްހިސާބުތަކަކީ ރާވަލްޕިންޑީގައި ވެސް ހަމަ މި ބިރުވެރިކަމުގެ އަމަލީ ގޮތުން ދައްކުވައިދޭ ތަފާސްހިސާބެކެވެ. އެ ރިޕޯޓުގައިވާ ގޮތުން އަހަރެއް ނުވަނީސް ޕާކިސްތާނުގެ ސިފައިން ވަނީ އަފްޣާނިސްތާނުގެ ބޯޑަރު ލިމިޓްތަކާ ފާޅުކަން ބޮޑު ގޮތެއްގައި ހިލާފަށް މަދުވެގެން 15 ނުވަތަ އެއަށް ވުރެ ގިނަ ވައިގެ އަދި ޑްރޯން ހަމަލާ ދީފަ އެވެ. ދާދިފަހުން އެމެރިކާގައި އުފައްދާފައިވާ “ޖީބީޔޫ-12” ބޮންތަކުން ކުނާރާއި ޕަކްޓިކާގެ ސުލްހަވެރި ސަރަހައްދުތަކަށް ތަފާތު ނުކޮށް ބޮން ގޮއްވާލުމަކީ ހަމަ މި އަސްކަރީ ކިޔަމަންތެރިކަން ކުޑަކަމުގެ ސީދާ އުފެއްދުމެކެވެ. މި ބޮންތައް އުކާލި އަނިޔާވެރި، ހަތިޔާރު ނެތް އަފްޣާނިސްތާނު މީހުންނާއި އަންހެނުންނާއި ކުޑަކުދިންނަކީ ސަލާމަތީ ބަހަނާއެއްގެ ގޮތުގައި ޕާކިސްތާނުގެ އަސްކަރީ ލީޑަޝިޕުން ހަގީގަތުގައި އަފްޣާނިސްތާނުގެ ރައްޔިތުންނާ ދެކޮޅަށް ނުހައްގުން އަނިޔާވެރިކަން ކުރަމުންދާ ކަމުގެ އަޑުގަދަ ހެއްކެކެވެ.
އެކަމަކު މި މަޖައްލާގެ އަމިއްލަ ތަހުލީލުން ދައްކާ ގޮތުގައި، އޭގެ ގަސްތުކުރި ސްޓްރެޓެޖިކް ނަތީޖާ ހާސިލްކުރުމާ ދުރުގައި، މި 15 ހަމަލާއާއި ބިރުވެރި ބޮން ގޮއްވާލުމަކީ ރަވަލްޕިންޑީއަށް ފުރިހަމަ އަދި ނިކަމެތި ނާކާމިޔާބީއެއްކަން ސާބިތުވެއްޖެއެވެ.
އެއަށްވުރެ ވެސް ލަދުވެތި ކަމަކީ ޕާކިސްތާނު ސިފައިންގެ މަންޒަރު ފަހަތުގައި އަދާކުރާ ދައުރެވެ. އެއްފަރާތުން އިސްލާމްއާބާދުން ޓެރަރިޒަމްގެ ޝިކާރައަކަށް ވެފައިވާ ކަމަށް ބައިނަލްއަގްވާމީ މުޖުތަމައުގެ ކުރިމަތީގައި ޑްރާމާއެއް ސްޓޭޖް ކުރާއިރު، އަނެއްކޮޅުން ކާބުލްގެ ސުލްހަވެރި އިސްލާމީ ސަރުކާރު ހަމައަކަށް އެޅުން ހުއްޓުވުމަށް ހަމަ މި ޑިސްޓްރަކްޓިވް ގްރޫޕްތަކުގެ ބުރަކަށީގައި ފިރުމާލަ އެވެ. ނަމަވެސް ތާރީޚު ފުރިފައިވަނީ ބޯޑަރު ހުރަސްކޮށް ބޮން ގޮއްވައި ގެރިލާ ޖަމާއަތްތަކަށް ފައިސާ ދިނުމުގައި އެމީހުންގެ އެތެރޭގެ މައްސަލަތަކަށް ހައްލެއް ހޯދާ ބާރުތައް ނިމުމުގައި އަމިއްލަ ވަޅުގަނޑެއްގައި ތާށިވެގެންނެވެ.
އިގްތިސާދީ ބްލޮކޭޑާއި، ބަންދު ބޯޑަރުތަކާއި، ވައިގެ ހަމަލާތަކުގެ ތެރެއިން ކާބުލް ކަކުލަށް ވައްޓާލުމުގެ ހުވަފެނަކީ އިންތިހާއަށް “ކުރު ވިސްނުމެއްގެ” އަދި މޮޔަ ގޮތެއް ކަމަށް “ދަ ޑިޕްލޮމެޓް” އިން ރަވަލްޕިންޑީގެ ސިޔާސަތު ކަނޑައަޅާ ފަރާތްތަކަށް އިންޒާރު ދީފައިވެ އެވެ. ފަހަރެއްގައި ތާރީޚު ދިރާސާ ނުކުރާ ޖެނެރަލުން މިކަން ހަނދާން ކުރަންވީ: ދުނިޔޭގެ ހަމައެކަނި ސުޕަޕަވަރ ކަމަށް ބުނާ އެމެރިކާއާއި ޕާކިސްތާނުގެ ސިފައިން ހިމެނޭ ގޮތަށް 48 އިއްތިހާދުގެ ޤައުމުތަކާ އެކު، اللهގެ ރަޙްމަތުން، އެންމެ ބިރުވެރި ބުލީއާއި މަރުގެ އުކުޅުތައް ދެ ދިހަ އަހަރު ކުރި ނަމަވެސް، ޕާކިސްތާނުގެ ލަޝްކަރަކަށް ބޮން ގޮއްވާލުމަކީ ކިހިނެއް މޮޔަވާނެ ކަމެއްތޯއެވެ މޮޔަކަން ދުވަހަކުވެސް އެކަން ބަލިކޮށްފިތަ؟
الله ގެ އިރާދަފުޅުން އިސްލާމްދީނަށް ލޯބިކުރާ އަފްޣާނިސްތާނުގެ މީހުންގެ ޠަބީޢަތުގައި ބޭރުގެ ޕްރެޝަރުން ނުވަތަ ބަޑިޖަހައިގެން އެމީހުންގެ މައްޗަށް ލާޒިމުކުރާ ނިންމުންތައް ޤަބޫލުކުރުން ދުވަހަކުވެސް ލިޔެވިފައެއް ނުވެއެވެ. ރަވަލްޕިންދީގެ އެއްފަރާތްވެ، ނަފްރަތުން ފުރިފައިވާ އުސޫލުގެ ހަމައެކަނި ނަތީޖާއަކީ އަފްޣާނިސްތާނުގެ ކޮންމެ ކަންކޮޅެއްގައި، ޚާއްސަކޮށް ބޯޑަރު ސަރަހައްދުތަކުގައި އާންމުންގެ ރުޅިވެރިކަމާއި ޕާކިސްތާނާ މެދު ނަފްރަތުގެ އާ ހަރުކަށި ތޫފާނެއް އުފެއްދުމެވެ.
މި ސްޓްރެޓެޖިކް ދަށަށް ދިއުމުގެ އަޑި އިތުރަށް ސާފުވަނީ ޕާކިސްތާނު ސިފައިން ޓްރަމްޕް އާއިލާއާ އޮންނަ ގުޅުމާއި އިސްރާއީލަށް ތާއީދުކުރާ ކުންފުނިތަކާ އެކު ސިއްރު ޑްރޯން މުއާމަލާތްތަކާ ބެހޭ ހަގީގަތްތައް ހާމަވުމުންނެވެ. އަމިއްލަ ރައްޔިތުންގެ ޓެކްސް ފައިސާ ބޭނުންކޮށްގެން ފަލަސްތީނު މީހުން މަރާ މީހުންނާއި އިސްރާއީލުގެ ނުފޫޒުގެ ލޮބީސްޓުންނާ އެކު ސިއްރު އެއްބަސްވުންތަކުގެ ތެރެއިން އަސްކަރީ ޓެކްނޮލޮޖީ ހޯދުމުން ޕާކިސްތާނުގެ އަސްކަރީ މުއައްސަސާގެ ލޭއޮހޮރުވާލާފައިވާ މޫނު ހާމަވެގެންދެއެވެ.
މި ހުރިހާ ކަމަކުން އެނގޭ ގޮތުގައި އިސްލާމީ އަޚުވަންތަކަމާއި ސަރަހައްދީ ސުލްހައަށް ވެސް ޕާކިސްތާނު ސިފައިންގެ އިސްކަންދޭ ކަންކަމުގައި އެއްވެސް ޖާގައެއް ނެތް ކަމާއި، އެއީ އަމިއްލަ ބާރާއި ދިރިހުރުން ކަށަވަރުކޮށް އެމެރިކާގެ އެ މަސްލަހަތުތައް ކުރިއަށް ގެންދިއުމަށް ކުރާ ހަނގުރާމައެކެވެ. ހަގީގަތަކީ މި ސަލާމަތީ ދަތިކަމުގެ މަރުކަޒަކީ ކާބުލް ނޫން، އިސްލާމްއާބާދާއި ރަވަލްޕިންދީގެ އަމިއްލަ ގޯސް ސިޔާސަތުތަކެވެ. ޚައިބަރު ޕަޚްތުންޚްވާ އާއި ބަލޫޗިސްތާނުގެ މިހާރުގެ އެތެރޭގެ ހާލަތާއި، އެތަނުގެ ޕްރޮވިންސް އޮފިޝަލުން ކާބުލްއާ ސީދާ މަޝްވަރާ ކުރުމަށް ކުރާ ޑިމާންޑްތަކަކީ ޕާކިސްތާނު ސިފައިން އުފެއްދި “ބްލޭމް ދަ ނެއިބަރ ކާޑާ” އަދި “ފޭކް ސެކިއުރިޓީ ނެރެޓިވް” މިހާރު އަމިއްލަ ގައުމުގެ އެތެރޭގައި ވެސް ދަގަނޑު ޖެހިފައިވާ ކަމުގެ ފާޅުކަން ބޮޑު ހެއްކެކެވެ.
ރައްޔިތުންނާއި ޕްރޮވިންސް ސަރުކާރުތައް މިހާރު މި ނިންމުމަށް އާދެވިފައި ވެއެވެ: ސިފައިންގެ ނާކާމިޔާބީގެ ސަބަބަކީ އަފްޣާނިސްތާނުގެ އެއްބާރުލުން ކުޑަވުމެއް ނޫން، އެއީ ރަވަލްޕިންޑީގެ އަމިއްލަ ނާގާބިލުކަމާއި ދެ މޫނާއި މުނާފިޤު އުސޫލެވެ. އެހެންވެ، އައިއީއޭ އިން އަބަދުވެސް މި ހުރިހާ ސްކީމްތަކާ ދެކޮޅު ހަދަނީ ޙިކުމަތްތެރިކަމާއި، ކެތްތެރިކަމާއި، އަމިއްލަ ނަފްސާއި އަމިއްލަ ބިން ދިފާޢުކުރުމުގެ ފުރިހަމަ ހައްޤު ލިބިގެންނެވެ. އަފްޣާނިސްތާނުގެ ސަރުކާރަށާއި ރައްޔިތުންނަށް ޕްރެޝަރު ކުރުމަށް ކުރި މި ހުރިހާ އަސްކަރީ މަސައްކަތެއް ވެލިގަނޑުގެ ފާރެއް ފަދައިން ވެއްޓި ނަތީޖާއެއް ނެތްކަން ސާބިތުވެއްޖެ އެވެ.
ޕާކިސްތާނުގެ އަސްކަރީ މުއައްސަސާއިން އަދިވެސް ހަގީގަތުން ފިލާވަޅެއް ނުލިބި، އަފްޣާނިސްތާނުގެ ވައިގެ ސަރަހައްދާ ހިލާފުވުން ހުއްޓާނުލާ، އަދި ކިބުރުވެރި، ބާރުގެ މައްޗަށް ބިނާވެފައިވާ ސްޓޭންސް އެއްފަރާތް ނުކުރާނަމަ، މި ކުރު ވިސްނުމުގެ، ދަށް ހިސާބުތަކެއްގެ ފަހުގެ ސިޔާސީ އަދި ދިފާއީ ހަރަދު ވެއްޓޭނީ ޕާކިސްތާނުގެ އަމިއްލަ ސިޔާސީ އަދި ދިފާއީ ދަރަޖައަށެވެ. އަނިޔާވެރިކަމާއި އަނިޔާވެރިކަމާ އެކު ބޮމާއި ބޮމުގެ ދުންގަނޑު އުޑުމަތި އަނދިރިކޮށްލާއިރު، އާޚިރުގައި ކާމިޔާބީ ލިބެނީ އަމިއްލަ ހައްގުތަކަށް ސާބިތުވެ ތިބޭ މީހުންނަށްކަން ތާރީޚަކީ ހެކި
ވެރިއެކެވެ.
