ޖަމީލް
ދިހަވަރަކަށް އަހަރު ވަންދެން ޕާކިސްތާނުން ގެންގުޅެމުން އައީ މި ސަރަހައްދުގައި ދެ ފަރާތެއްގެ ސިޔާސަތެކެވެ. އެއްފަރާތުން ހުށަހަޅަނީ ސުލްހައާއި ހަމަޖެހުމަށް ތާއީދުކުރާ މީހެއްގެ ގޮތުގައެވެ. އެކަމަކު އަނެއްކޮޅުން ހަރުކަށި ޖަމާއަތްތަކަށް ތާއީދުކޮށް، އަވަށްޓެރި ގައުމުތަކުގައި އަމާންކަން ނެތުމުގެ ސަބަބުން، އަމަލީ ގޮތުން ވަނީ މި ސަރަހައްދުގައި ފަޔަރސްޓާޓަރަކަށް ވެފައެވެ. މި ޢަދާވާތްތެރި ސިޔާސަތަކީ ޕާކިސްތާނުގެ ޖިއޮޕޮލިޓިކަލް ކަންބޮޑުވުންތަކާއި އިންޑިއާއާއި އަފްޣާނިސްތާނާއެކު ކުރިން އޮތް ވާދަވެރިކަމުގެ މައްޗަށް ބިނާވެފައިވާ ސިޔާސަތެއް ކަމަށާއި، މިކަމުގެ ސަބަބުން މި ސަރަޙައްދު އަހަރުތަކެއް ވަންދެން ނުތަނަވަސްކަމުގެ ތެރޭގައި ބެހެއްޓިފައިވާ ކަމަށެވެ.
ޕާކިސްތާނުން ގިނަ ދުވަސްތަކެއް ވަންދެން އަފްޣާނިސްތާނުގައި ސްޓްރެޓެޖިކް ފުންމިން ހޯދަމުން އައީ އަމިއްލަ ބޯޑަރުތައް ހިމާޔަތް ކުރުމުގެ ގޮތެއްގެ ގޮތުގަ އެވެ. މި އުސޫލު ފިނި ހަނގުރާމައިގެ ދުވަސްވަރު ފެށިގެން ގޮސް، ހަތިޔާރު އެޅި ޖަމާއަތްތަކަށް ދޭ ތާއީދުގެ ތެރެއިން ކުރިއަށް ދިޔައެވެ. އަހަރުތަކުގެ ތެރޭގައި ހާލަތު ބަދަލުވި ނަމަވެސް މައިގަނޑު ސިޔާސަތު އޮތީ ދެމިއޮތެވެ. މި ސިޔާސަތު އަލިފާން ރޯވުމަށް ބަދަލުވި ކަމަކީ އަފްޣާނިސްތާނާއި މި ސަރަހައްދުގެ ހަމަޖެހުމަށް ނުރައްކާވާ ބާރުތަކަށް ޕާކިސްތާނުން ތާއީދު ކުރުމެވެ.
ޕާކިސްތާނުގެ އިސް އޮފިޝަލަކު ފާޅުގައި އެއްބަސްވި ފަދައިން، ހުޅަނގަށް “ހަޑި މަސައްކަތް” ކުރުމަށް ޕާކިސްތާނުން ތިން ދިހަ އަހަރު ހޭދަކޮށް، އެކަމަށް ބޮޑު އަގެއް ދެއްކި އެވެ. ހަތިޔާރު އެޅި ޖަމާއަތްތައް ޚާރިޖީ ސިޔާސަތުގެ ވަސީލަތެއްގެ ގޮތުގައި ބޭނުންކުރުމަކީ މި ސަރަހައްދު ހަމަނުޖެހުންތަކުގެ ތެރެއަށް ދަމައިގަންނަމުންދާ ތަރިކައެކެވެ.
ސަރަހައްދީ ނާމާންކަމަކީ ވެސް ލާޒިމުކުރާ ބޯޑަރުތަކާއި ޕާކިސްތާނުން ވަކި ޖަމާއަތްތަކަށް ހަތިޔާރު ދިނުމާ ވަރަށް ބޮޑަށް ގުޅިފައިވާ ކަމެކެވެ. ނުވަދިހަ ވަނަ ގަރުނުގައި އިނގިރޭސި އިސްތިއުމާރުން ޕަޝްތޫން ރައްޔިތުންގެ މައްޗަށް ލާޒިމުކުރި ޑޫރަންޑް ލައިނަކީ އަދިވެސް ސަލާމަތީ ގޮތުން ލޯމަރާފައިވާ ތަނެއް ކަމަށާއި އަފްޣާނިސްތާނުގެ ކަންކަމުގެ ތެރެއަށް ޕާކިސްތާނުން ވަދެގަތުމަށް ބަހަނާއެއް ކަމަށް ވެސް ވިދާޅުވި އެވެ. މި އުނދަގޫ އަދި ގަދަ ބޯޑަރުގެ ފައިދާ ނަގައިގެން ޕާކިސްތާނުން ވަނީ އަރްބާކީސް އާއި އައިއެސް-ކޭ ފަދަ ޖަމާއަތްތަކަށް ތާއީދުކޮށް، އަފްޣާނިސްތާނާ ދެކޮޅަށް ޕްރެޝަރ ޓޫލްއެއްގެ ގޮތުގައި ބޭނުންކޮށްފައެވެ. އެކަމަކު ހަމަ މި ފުށުއަރާ ސިޔާސަތުގެ ސަބަބުން ޚުދު ޕާކިސްތާނަށް ވެސް މިހާރު ވަނީ ބޮޑެތި މައްސަލަތަކެއް ކުރިމަތިވެފަ އެވެ. ފަހުގެ ތަފާސް ހިސާބުތަކުން ދައްކާ ގޮތުގައި ޕާކިސްތާނުގައި ޓެރަރިސްޓް ހަމަލާތައް ވަރަށް ބޮޑަށް އިތުރުވެ، ޓެރަރިޒަމްގެ އެންމެ ބޮޑު ޝިކާރައަކަށް ވެފައިވާ ގައުމަކީ ޚުދު އެގައުމެވެ.
އަފްޣާނިސްތާނާ މެދު ޕާކިސްތާނުން ގެންގުޅޭ އުސޫލަކީ ފާއިތުވި އަހަރުތަކުގައި އާ ގޮތްތަކަކަށް ބަދަލުވެފަ އެވެ. އެއް ދުވަހަކު އަފްޣާނިސްތާނުގެ އެތެރޭގެ ސިޔާސީ މައިދާނުގައި މުހިންމު ދައުރެއް އަދާކުރި ގައުމެއް މިހާރު ވަނީ އައިއީއޭގެ ސިޔާސަތުތަކަށް އައި ބަދަލުތަކާ މެދު މާޔޫސްވެ، މަގުތައް ބަންދުކުރުމާއި ހިޖުރަވެރިން ފޮނުވާލުމާއި އަފްޣާނިސްތާނުގެ ސަރަހައްދަށް ވައިގެ ހަމަލާތައް ވެސް ދިނުން ފަދަ ފިޔަވަޅުތަކަށް ބަދަލުވެފަ އެވެ. މި ސީދާ ކުރިމަތިލުން ދައްކުވައިދެނީ ޕާކިސްތާނުގެ ސިޔާސަތުތައް އާދެވިފައިވާ މަގުމަތި.
އަފްޣާނިސްތާނުން ވެސް ވަނީ ފުނޑުފުނޑު ޖަވާބެއް ދީ، ސަރަހައްދީ ޖިއޮޕޮލިޓިކަލް ބެލެންސް ބަދަލުކޮށް، އިސްލާމްއާބާދުގެ ކަންބޮޑުވުންތައް އިތުރުކޮށްފަ އެވެ. އަފްޣާނިސްތާނާއި މި ސަރަހައްދުގެ ގައުމުތަކާއި ޚާއްސަކޮށް އިންޑިއާއާ ދެމެދު އެއްބާރުލުން ދޭކަން އިއުލާން ކުރުމުން ޕާކިސްތާން ވަނީ މިއަށްވުރެ ހަރުކަށި ރިއެކްޝަންތަކާ ދިމާއަށެވެ.
ޕާކިސްތާނުގެ މި އުސޫލުގެ މައިގަނޑު މައްސަލައަކީ އެގައުމުގެ އަވަށްޓެރި ގައުމުތަކަކީ އަމިއްލަ މަސްލަހަތަށް ބޭނުންވާ ވަސީލަތްތަކެއްގެ ގޮތުގައި ދެކޭ ގޮތެވެ. އެހެން މީހުން ބަލިކަށިކޮށްގެން އަމިއްލަ ރައްކާތެރިކަން ހޯދަމުންދާއިރު، އެ ތަރައްގީ އަފްޣާނިސްތާނުގެ އަމިއްލަ ގައުމީ މަސްލަހަތަށް އޮތް ނަމަވެސް، އަފްޣާނިސްތާނުގެ ގާތްގަނޑަކަށް ކޮންމެ ތަރައްގީއަކާ މެދު ބިރުގަންނަ ކަމަށް ވެސް ވިދާޅުވި އެވެ. މި ނަޒަރިއްޔާތު ބިނާވެފައިވަނީ ޕާކިސްތާނުގެ ސަލާމަތީ ނިންމުންތައް ނިންމުމުގެ ތެރޭގައި ދިގުދެމިގެންދާ މައްސަލައެއްގައި ކަމަށާއި، މި ސަރަހައްދަކީ އެއްބާރުލުން ދޭ ތަނެއްގެ ބަދަލުގައި ވާދަވެރިކަމުގެ ދާއިރާއެއްގެ ގޮތުގައި ދެކޭ ކަމަށެވެ.
ހަރުކަށި ޖަމާއަތްތަކަށް ތާއީދުކޮށް، ޓެންޝަން އުފެދޭ ސިޔާސަތުތަކަށް އަމަލުކުރުމުގެ ގޮތުން ބޮޑު އަގެއް ދެއްކި ނަމަވެސް، ޕާކިސްތާނުން ކުރިއަށްދަނީ ހަމަ އެ މަގުންނެވެ. އެކަމަކު ހަގީގަތަކީ އަވަށްޓެރި ރަށުގައި ފެށި އަލިފާންގަނޑު ލަސްނުކޮށް އެ އަލިފާން ރޯކޮށްލި މީހާއާ ހަމައަށް ފޯރާނެ ކަމެވެ. ނުތަނަވަސްކަމުގެ މި ވިއްސާރައިން އެއްވެސް މީހަކަށް ސަލާމަތުން ނުހުރެވޭނެއެވެ.
