މިއަދު ބުދަ ދުވަހު (ޖުމާދާ އަލް ތާނީ މަހުގެ 9 ވަނަ ދުވަހު) އަފްޣާނިސްތާނުގެ އިސްލާމިކް އެމިރޭޓްގެ މިނިސްޓަރ އޮފް ރެފިއުޖީސް އެންޑް ރިޕެޓްރިއޭޝަން އެފެއާޒް އަލްހާޖީ ޚަލީލް އުރު ރަޙްމާން ހައްޤާނީ އަނިޔާވެރި ހަމަލާއެއްގައި ޝަހީދުވެއްޖެއެވެ.
މި ސިއްރު ހަމަލާގެ ޒިންމާ އަދި އެއްވެސް ޖަމާއަތަކުން ނަގާފައި ނުވި ނަމަވެސް ހަމަލާގެ ކުރިން ޕާކިސްތާނު ސިފައިން ހިންގާ އެކައުންޓްތަކަށް ދިން އިންޒާރުތަކާއި ހަމަލާގެ ބާވަތަށް ބަލާއިރު އައިއެސް ޚަވާރިޖުން ޒިންމާ ނަގާފައި އޮތުމަކީ ވަރަށް ގާތް ކަމެކެވެ. (ހަމަލާގެ މަދު ގަޑިއިރުތަކެއް ކުރިން ޕާކިސްތާނުގެ އަސްކަރިއްޔާއާ ގުޅުން ހުރި އީގަލް އައި ކިޔާ އެކްސް އެކައުންޓަކުން ވަނީ “އަނެއްކާވެސް ބަޣާވާތެއް ގާތްވެފައިވާ” ކަމަށް ޕޯސްޓެއްކޮށްފަ އެވެ. އަދި ފަހުން ވަނީ ހައްޤާނީ ސާހިބު ޝަހީދުވުމާ ބެހޭ ގޮތުން ޖެހިޖެހިގެން އެތައް ޕޯސްޓްތަކެއް ކޮށްފައެވެ.)
މީގެ ކުރިން ހިނގާފައިވާ ހާދިސާތަކާއި އަފްޣާނިސްތާނުގެ އަވަށްޓެރި ބައެއް ޖާސޫސީ ޖަމާއަތްތަކުން އެމީހުންގެ އަމާޒުތައް ހާސިލްކުރުމަށް އައިއެސް ބޭނުންކުރުމަށް ބަލާއިރު، މި ހަމަލާ ދިނީ އައިއެސް އިން ވަކިވި މީހުން ވެސް އަވަހާރަކޮށްލުމުގައި އަބަދުވެސް ބައިވެރިވާ އެ ޖާސޫސީ ދައުރުތަކުގެ ނުސީދާ އިރުޝާދުގެ ދަށުން ކަމަށް ވުމަކީ އެކަށީގެންވާ ކަމެކެވެ އަފްޣާނިސްތާނުގެ ތައުލީމީ، ޖިހާދީ، އަދި އިޖުތިމާއީ ފަރާތްތަކެވެ.
