ޚައިބަރު ޕަޚްތުންޚްވާގެ ޚައިބަރާއި އޮރަކްޒައި އެޖެންސީތަކުގެ ރައްޔިތުން ކަމަށްވާ ސެޑިގްޔާރާއި ހުތައިފާ އަކީ 2025 ވަނަ އަހަރުގެ އޮގަސްޓް މަހުގެ 8 ވަނަ ދުވަހު ޚައިބަރު ޑިސްޓްރިކްޓްގެ ސޫރްޣާރު ސަރަހައްދުގައި ނޭނގޭ ބަޑިޖެހުންތެރިން ދިން ހަމަލާއެއްގައި މަރުވި އައިއެސްގެ އިސް ލޯކަލް ލީޑަރު އަބްދުލް މަލިކުގެ ގާތް ގުޅުމެކެވެ.
އެ ސަރަހައްދުގައި އައިއެސްގެ ޚުރާސާން ޕްރޮވިންސްގެ މުހިއްމު މަގުފަހިކޮށްދޭ ފަރާތްތަކުގެ ތެރޭގައި ހުތައިފާ އާއި ސެޑިގްޔާރު ހިމެނެ އެވެ. އަބްދުލްހަކީމް ތޫހިދީ އަކީ އައިއެސްގެ ޚުރާސާން ޕްރޮވިންސްގެ ހުޅަނގު ސަރަހައްދުގެ ވެރިޔާ ކަމަށާއި އޭނާ ހަރަކާތްތެރިވާ މައިގަނޑު އެއް ދާއިރާއަކީ ހެރަތު ޕްރޮވިންސެވެ. ރިޕޯޓްތައް ބުނާ ގޮތުގައި އޭނާ ވަޒަންވެރިވީ ޕާކިސްތާނުގެ ޚައިބަރު ޕަޚްތުންޚްވާ ފަރުބަދަތަކުގައި ހުންނަ މިދެންނެވި މަރުކަޒުތަކުގައި 2023 ވަނަ އަހަރުގެ ކުރީކޮޅުގަ އެވެ.
އައިއެސް ޚުރާސާން ޕްރޮވިންސްގެ އިރުމަތީ ޒޯންގެ މުހިއްމު އެއް ލީޑަރު ގުލް ނާޒިމް 2024 ވަނަ އަހަރު ޚައިބަރު ޑިސްޓްރިކްޓްގެ ޖައްބާރު މެލާ ސަރަހައްދަށް ވަޑައިގެން އައިއެސްގެ ލޯކަލް މެމްބަރުންނާ އެކު އެކި މަރުކަޒުތަކުގައި ދިރިއުޅުއްވި އެވެ.
ޖައްބާރު މެލާ އަކީ އައިއެސްގެ މުހިއްމު ވަރުގަދަ ތަނެކެވެ. ރިޕޯޓްތައް ބުނާ ގޮތުގައި ރާއްޖެ ގަޑިން ގާތްގަނޑަކަށް ހަވީރު 6:30 ހާއިރު ޖައްބާރު މެލާގައި އައިއެސްގެ ފޮރުވިފައިވާ ތަންތަނަށް ނޭނގޭ ޑްރޯންތަކުން ހަމަލާދީފައިވެ އެވެ.
އަލްމިރުސާދު ވަނީ ގުލް ނާޒިމް އާއި ސެޑިޤޔާރު ފެންނަ ތަސްވީރުތައް އެ ސަރަހައްދުގެ މަސްދަރުތަކުން ހޯދާފައި ކަމަށާއި އެ ތަސްވީރުތައް އެ ސަރަހައްދުގައި ތިބިކަން ކަށަވަރުކޮށްދީފައިވާ ކަމަށެވެ.
ޚައިބަރު ޑިސްޓްރިކްޓްގެ ޖައްބާރު މެލާ ސަރަހައްދުގައި ދިރިއުޅޭ އައިއެސްގެ ލީޑަރުންނަކީ ކޮބައިތޯ؟
