ފާއިތުވި ތިން ދުވަހުގެ ތެރޭގައި ސީރިއާގައި ބައްޝާރުލް އަސަދުގެ ވެރިކަމާ ދެކޮޅަށް ހަނގުރާމަ ކުރަމުންދާ ޖިހާދީ ޖަމާއަތްތަކުން ވަނީ ހަލަބް ސިޓީގެ ތެރޭގައި ފުޅާ ދާއިރާއެއްގައި އޮޕަރޭޝަންތައް ފަށާފައެވެ. ހުކުރު ދުވަހު އެ ޖަމާއަތްތަކުން ވަނީ ކާމިޔާބުކަމާއެކު މާލެއަށް ވަދެ، މާލެ ސަރަހައްދުގެ ބޮޑު ބައެއްގެ މައްޗަށް ކޮންޓްރޯލް ގާއިމްކޮށްފަ އެވެ.
އެކި މީޑިއާތަކުން ރިޕޯޓްކުރާ ގޮތުގައި، ހަލަބްގެ އިތުރުން، ވެރިކަމާ ދެކޮޅު ޖިހާދީ ފެކްޝަންތަކުން ވަނީ އިދްލިބް ޕްރޮވިންސްގެ ސްޓްރެޓެޖިކް ޓައުން ސަރަކިބް ވެސް ހިފާފަ އެވެ.
މި އޮޕަރޭޝަންތަކުގެ ތެރޭގައި މުޖާހިދުންނަށް ވެރިކަމުގެ ގިނަ އަދަދެއްގެ ސިފައިންނާއި އީރާނުގެ ތާއީދުކުރާ މިލިޝިއާތައް ހައްޔަރުކުރުމުގެ އިތުރުން ގިނަ އަދަދެއްގެ އަސްކަރީ އުޅަނދުތަކާއި ވަޒަންތައް ހޯދިއެވެ.
މިއީ ފާއިތުވި އަހަރުތަކުގައި ބައްޝާރުލް އަސަދުގެ ވެރިކަމާ ދެކޮޅަށް ޖިހާދީ ޖަމާއަތްތަކުން ހިންގި އެންމެ މުހިންމު ހަމަލާ ކަމަށާއި، މުހިންމު ސަރަހައްދުތައް އަސަދުގެ އަނިޔާވެރި ބާރުތަކުގެ އަތުން ވަރުގަދަ ގޮތެއްގައި މިނިވަންކޮށްފައިވާ ކަމަށެވެ.
ފާހަގަކޮށްލަންޖެހޭ ކަމަކީ ސީރިއާގައި ބައްޝާރުގެ ވެރިކަމާ ދެކޮޅަށް ހިނގަމުންދާ ހަމަނުޖެހުންތައް 2011 ވަނަ އަހަރުން ފެށިގެން ދެމިއޮތް ނަމަވެސް 2014 ވަނަ އަހަރު އައިއެސްގެ ހަރުކަށި ފިކުރުގެ މީހުން އުފެދުމުން ސީރިއާގެ އިންގިލާބަށް ބޮޑެތި ނާކާމިޔާބީތަކެއް ކުރިމަތިވި އެވެ. ވޭތުވެދިޔަ މަދު އަހަރުތަކުގައި ތައްޔާރުވެ ރަނގަޅުވުމަށްފަހު، ވެރިކަމާ ދެކޮޅު ޖިހާދީ ޖަމާއަތްތަކަށް އަލުން ބާރު ލިބި، އައިއެސް އިން ލިބުނު ގެއްލުންތަކުން އަރައިގަނެ، އަލުން އޮޕަރޭޝަންތައް ފެށިހެން ހީވެއެވެ.
