ލިޔުނީ: އެހުސާން އަރަބް
މުސްލިމުންގެ ގެދޮރު ދޫކޮށްލުން
ކުރީ ބައިތަކުގައި އަޅުގަނޑުމެން ވަރަށް ބޮޑަށް ވާހަކަ ދެއްކީ އައިއެސްގެ ޚަވާރިޖުން އިސްލާމީ ސިޓީތައް ހަލާކުކުރުމާ ބެހޭ ގޮތުންނެވެ. ނަމަވެސް އެމީހުންގެ ފަނާވުން ހަމައެކަނި އިމާރާތްތައް ތަޅާލުމުގައި އެކަނި ނުހިނގާ- އެކަމުގެ ސަބަބުން މުސްލިމުން ގިނަ އަދަދަކަށް ގެދޮރު ދޫކޮށް، މަޖުބޫރުކޮށްގެން ހިޖުރަކޮށް، ދުރުރާސްތާ ނަތީޖާތަކާއެކު އިންސާނީ ދަތިކަމެއް އުފެދިގެން ދިޔައެވެ.
އިރާގާއި ސީރިއާގައި އައިއެސްގެ ނުބައި ޙާޟިރީގެ ސަބަބުން ފުޅާދާއިރާއެއްގައި ގެދޮރު ދޫކޮށް ދިއުމަށް މަގުފަހިވެގެން ދިޔައެވެ. ލިބިފައިވާ މައުލޫމާތުތަކަށް ބަލާއިރު، 2014 ވަނަ އަހަރުގެ ނިޔަލަށް އެކަނިވެސް ސީރިއާގެ ގާތްގަނޑަކަށް 7.6 މިލިއަން މީހުންނާއި އިރާގުގެ 3.3 މިލިއަން މީހުން ގެދޮރުން ދޫކޮށްލާފައި ވަނީ ހިނގަމުންދާ ހަމަނުޖެހުންތަކުގެ ސަބަބުންނެވެ. މި ގިނަ ބަޔަކު ނިކުތުމުގެ ސަބަބުން އާއިލާތައް ބިންދައިގެން ދިއުމުގެ އިތުރުން މުޅި ޖަމާއަތްތަކުގެ އިޖުތިމާއީ އަދި ސަގާފީ ފޭރާމަށް ވެސް ބުރޫއެރި އެވެ.
ޔޫރަޕްގެ ޤައުމުތަކަށް މުސްލިމުން ހިޖުރަކުރުމަކީ އައިއެސްގެ ޚަވާރިޖުން އެމީހުންގެ ހުޅަނގުގެ ވެރިންނަށް ފޯރުކޮށްދޭ އެންމެ މުހިންމު އެއް ޚިދުމަތުގެ ގޮތުގައި ބަލައެވެ. މި ހިޖުރައަކީ، ހަގީގަތުގައި، ނުބައި މަޅިއެއް- އާދައިގެ މުސްލިމުން ކްރިސްޓިއަން މިޝަނަރީންގެ މަކަރާއި އެހެނިހެން ދީނީ ނުފޫޒުތަކުގެ ޝިކާރައަކަށް ވެގެން ދިޔަ މަޅިއެކެވެ.
އިވެންޖިލިސްޓުންނާއި ޕްރޮޕެގެންޑިސްޓުން ރެފިއުޖީންގެ ހާލު ބޭނުންކޮށް، ގެދޮރު ގެއްލިފައިވާ މުސްލިމުން އެމީހުންގެ އީމާންތެރިކަމުން ވަކިކޮށް، ކްރިސްޓިއަން ދީނުގެ އޮޅުވާލާފައިވާ ވަރޝަނެއް ގަބޫލުކުރުމަށް ލޯބި ޖައްސައިދިނެވެ.
“އައިއެސް ޚަވާރިޖް: އިސްލާމްދީނާ ދެކޮޅަށް ހުޅަނގުގެ އާ ހަތިޔާރު” މި ސިލްސިލާގެ މި ބައިގައި އަޅުގަނޑުމެން ބަލާލާނީ މުސްލިމުން ގެދޮރު ދޫކޮށްލުމުގެ ސަބަބުން ލިބުނު ފުން ގެއްލުންތަކާއި ހުޅަނގުގެ ޤައުމުތަކަށް ހިޖުރަކުރުމުން ކުރިމަތިވި ބިރުވެރި ނަތީޖާތަކެވެ.
1. އީމާންތެރިކަން ބަލިކަށިވުމާއި ސަގާފީ ބަދަލުވުން
ގިނަ ރެފިއުޖީން ހިޖުރަކުރީ ދީނީ އަގުތައް ބަލިކަށި ނުވަތަ ބާކީވެފައިވާ ގައުމުތަކަށެވެ. ނަތީޖާއެއްގެ ގޮތުން ގިނަ އަދަދެއްގެ ފަރުދުން ހުޅަނގުގެ ސަގާފަތުގެ ނުފޫޒު ފޯރާ، މަޑުމަޑުން އެމީހުންގެ ޢަޤީދާއާއި އިސްލާމީ ޢަޤީދާތަކާ ދުރަށް ޖެހިލިއެވެ.
2. އަޚްލާޤީ އަދި އިޖުތިމާޢީ މައްސަލަތައް
ޚާއްޞަކޮށް ޒުވާން ޖީލަށް ޙައްދެއް ނެތް އަދި މާބޮޑަށް މިނިވަންކަން ކުރިއަރުވާ މުޖުތަމަޢުތަކުގައި އުޅުމުން، ފުޅާދާއިރާއެއްގައި އަޚްލާޤީ ކޮރަޕްޝަނާއި، އައިޑެންޓިޓީ ގެއްލި، ފާޙިޝް ޢަމަލުތައް ފެތުރިފައިވެއެވެ. މި މާހައުލުތަކުގައި ވަރުގަދަ އަޚްލާޤީ އޮނިގަނޑުތަކެއް ނެތުމުން މި ގޮންޖެހުންތައް އިތުރަށް ގޯސްވެގެން ގޮސްފައިވެއެވެ.
3. ނަފްސާނީ އުނދަގޫތަކާއި އައިޑެންޓިޓީ ކްރައިސިސް
މުސްލިމް ހިޖުރަވެރިންނަށް – ޚާއްޞަކޮށް ކުޑަކުދިންނާއި ޒުވާން ބޮޑެތި މީހުންނަށް – އިސްލާމް ނޫން މުޖުތަމަޢުތަކުގައި ދިރިއުޅުމަކީ ފުން އައިޑެންޓިޓީ ކްރައިސިސްއެއް އުފެދިފައިވާ ކަމެކެވެ. އެމީހުންގެ އާއިލީ އިސްލާމީ ސަގާފަތާއި، އެމީހުންނަށް ހޭނުމަށް މަޖުބޫރުވާ ބޭރު މާހައުލާ ދެމެދު ފަޅައިގެން ގޮސްފައިވާ، ގިނަ ބަޔަކު އެމީހުންގެ ތަރިކައާއި އެސިމިލޭޝަންގެ ޕްރެޝަރުތަކާ އެއްގޮތް ކުރުމަށް މަސައްކަތް ކުރެއެވެ.
4. އިޤްތިޞާދީ އަދި އިޖްތިމާޢީ ދަތިތައް
ގިނަ ރެފިއުޖީންނަށް އިގްތިސާދީ ގޮތުން ބޮޑެތި ދަތިތަކެއް ކުރިމަތިވެ، ހަމަޖެހޭ ވަޒީފާތަކާއި ރައްކާތެރި ދިރިއުޅުމެއް ހޯދުމަށް އުނދަގޫތަކެއް ކުރިމަތިވެ އެވެ. ބައެއް ހާލަތްތަކުގައި މި ގޮންޖެހުންތަކުގެ ސަބަބުން ފަރުދުން ޣައިރު ޤާނޫނީ މަސައްކަތްތަކަށް މަޖުބޫރުވެ ނުވަތަ ސަރުކާރުގެ އެހީތެރިކަމަށް ބަރޯސާވެ، އެމީހުންގެ އާ މުޖުތަމަޢުތަކުގެ ތެރޭގައި އެމީހުން އިތުރަށް ބާކީވެގެންދެއެވެ.
5. ކުރިއަށް އޮތް ޖީލުތަކަށް ކުރާ އަސަރު
މަޖުބޫރުކޮށްގެން ހިޖުރަކުރުމުގެ ސަބަބުން އިސްލާމް ނޫން މުޖުތަމަޢުތަކުގައި ތަރުބިއްޔަތު ކުރި ކުދިންގެ ދީނީ އަގުތަކާއި، މާދަރީ ބަހާއި، ސަގާފީ އައިޑެންޓިޓީ ވަރަށް އަވަހަށް ގެއްލިގެން ދިޔައެވެ. ނަތީޖާއެއްގެ ގޮތުން ވަގުތު ފާއިތުވަމުން ދިޔަ ވަރަކަށް އެމީހުން އިސްލާމްދީނާ ގުޅުން ހީނަރުވެގެން ދިޔައެވެ.
މިގޮތަށް އައިއެސްގެ ޚަވާރިޖުން އިސްލާމީ ސިޓީތައް ހަލާކުކުރުމުގެ ތެރެއިން އެތައް މިލިއަން މުސްލިމުން ގެދޮރު ދޫކޮށްލުމުގެ އިތުރުން ހުޅަނގުގެ ޤައުމުތަކަށް ހިޖުރަކުރުމަށް މަގުފަހިކޮށްދިނެވެ. މި ހިޖުރަކުރުމުން އެމީހުން ހުށަހެޅީ ދުނިޔޭގެ އަދި ރޫޙާނީ ގޮންޖެހުންތަކުން ފުރިފައިވާ މަގަކަށް- އޭގެ އެންމެ ފަހުގެ ނަތީޖާއަކީ ދުނިޔެއާއި އާޚިރަތުގެ ވެސް ހަލާކުވުމެވެ.
ދާޢިޝީ ޚަވާރިޖް: އިސްލާމްދީނާ ދެކޮޅަށް ހުޅަނގުގެ އާ ހަތިޔާރު – 8 ވަނަ ބައި
