ސައިފުއްދީން ވަޒީރުވާލް
އަފްޣާނިސްތާނުގައި އެމެރިކާ ހިފާފައިވާ ގައުމުތަކުގެ ނާކާމިޔާބީއަށް ފަހު ފާއިތުވި އަހަރުތަކުގައި ވޮޝިންޓަނުން އަންނަނީ މެދުއިރުމަތީގައި އެގައުމުގެ ނުފޫޒު ދެމެހެއްޓުމަށް މަސައްކަތް ކުރަމުންނެވެ. އަސްކަރީ ޙާޟިރީގެ ތަޖުރިބާއިން މާބޮޑު ފައިދާއެއް ނުލިބުނު ނަމަވެސް، އެހެންކަމުން އަސްކަރީ ޙާޟިރީގެ ބަދަލުގައި ސިޔާސީ އަދި ޖާސޫސީ ނުފޫޒު ވަރުގަދަ ކުރުމަށް މަސައްކަތް ކުރަމުންދެއެވެ. މިގޮތުން ސަރަޙައްދުގެ ހަމަޖެހުމެއް ގެނައުމަށް އާ ސްޓްރެޓެޖިކް މަޝްރޫޢެއް ފަށައި، ޕްލޭންގައިވާ ގޮތުން މި މަޝްރޫޢު ޕާކިސްތާނުގެ އަސްކަރީ ވެރިކަމުގެ ޚާއްޞަ ދައުރަކަށް ދީފައިވެއެވެ.
ޕާކިސްތާނުގެ ގަވާއިދާ ހިލާފަށް އަފްޣާނިސްތާނަށް ދިން ހަމަލާތަކަކީ ޓީޓީޕީގެ ސަބަބުން ނޫން، ސަބަބަކީ ޓީޓީޕީ ހިންގަނީ އަމިއްލަ ބިމުގައި ކަމަށާއި، އޭގެ ޝަރުއީ ހައްގުތައް ޑިމާންޑް ކުރާތީ، ނަމަވެސް މި ގަވާއިދާ ހިލާފު އަނިޔާތަކާއި ހަމަލާތަކަކީ ޕާކިސްތާނުގެ އަސްކަރީ ވެރިކަމުގެ ހާއްސަ ދައުރަކަށް ދީފައިވާ އާ މިޝަނެކެވެ ބޭނުންވަނީ އެމީހުންގެ ޖާސޫސީ ޙާޟިރީގައި މި ދައުރުގެ ތާއީދާއެކު އެކަންކަން ހާސިލްކުރުމަށެވެ.
މިކަމާ ގުޅިގެން މި މިޝަން ފެށުނު ފަހުން ޕާކިސްތާނުގެ އަސްކަރީ ވެރިކަމުގެ ވެރިޔާ އާސިމް މުނީރު ވަނީ ޓްރަމްޕާ ބައްދަލުކޮށް މަޝްވަރާ ކުރުމަށް ގާތްގަނޑަކަށް ތިން ފަހަރު އެމެރިކާއަށް ވަޑައިގެންފައެވެ. ހަމައެފަދައިން ޕާކިސްތާނުގެ ބޮޑުވަޒީރު ޝަހުބާޒް ޝަރީފް ވެސް ވަނީ އެމެރިކާއަށް އެތައް ފަހަރަކު ވަޑައިގެން ޓްރަމްޕަށް ޝުކުރު އަދާކުރައްވައި، ކުރިން ދެންނެވި މަޝްރޫއު ނިންމާނެ ކަމަށް ވައުދުވެވަޑައިގެންފަ އެވެ.
ޕާކިސްތާނުގެ ބައެއް މީޑިއާތަކުން ބުނާ ގޮތުގައި ޕާކިސްތާނުން އަފްޣާނިސްތާނަށް ނާޖާއިޒު ހަމަލާތައް ދިނީ ޕާކިސްތާނުގެ ބޮޑުވަޒީރު ޝަހުބާޒް ޝަރީފާއި ސިފައިންގެ ވެރިޔާ އާސިމް މުނީރު ޑޮނަލްޑް ޓްރަމްޕްގެ އަމުރަށް އެމެރިކާގައި ތިބި ދުވަސްވަރެއްގަ އެވެ.
މި ޚާއްޞަ ދައުރުގެ ނަތީޖާއެއްގެ ގޮތުން ނުބައި ނިންމުންތަކާއި ވިލަންކަމުގެ ސަބަބުން ދެފަރާތުންވެސް ވަނީ ވަރުގަދަ ހަމަނުޖެހުންތަކެއް އުފެދިފައެވެ. އެކަމަކު ހަމައެއާއެކު، އަފްޣާނިސްތާނުގެ އިސްލާމީ ބާރުތަކުން އެމީހުންގެ ޝަރުޢީ ހައްޤުތައް ދިފާޢުކުރުމުގައި އެމީހުންގެ މުޤައްދަސް މަޤްޞަދާ ދިމާއަށް މަގު ކުރުކުރަމުންދާއިރު، އެއާ ޚިލާފަށް ޕާކިސްތާނުގެ އަސްކަރީ ވެރިކަމުގެ މި ޚާއްޞަ ދައުރު އެމެރިކާގެ މިޝަން ކުރިއަށް ގެންދަނީ، އެމެރިކާގެ މަސްލަހަތަށްޓަކައި ރައްޔިތުން ޤުރުބާންކުރަމުންނެވެ.
އަދި އެމެރިކާއާއި އިސްރާއީލުގެ ޖާސޫސީ ވަފުދެއް ދާދިފަހުން އިސްލާމްއާބާދަށް ކުރި ދަތުރުގައި އާސިމް މުނީރު އީރާނަށް ހަމަލާދިނުމުގައި އެމެރިކާއާއި އިސްރާއީލަށް އެހީތެރިވެދެއްވާނެ ކަމުގެ ޔަގީންކަން ދެއްވި ކަމަށާއި، ބޭނުންވެއްޖެނަމަ ޕާކިސްތާނުގެ އަސްކަރިއްޔާއިން ޕާކިސްތާނުގެ ކަނޑުގެ ޖާގައާއި ބައެއް މުހިންމު ވައިގެ މަރުކަޒުތައް އެމެރިކާއާއި އިސްރާއީލާ ހަވާލުކުރާނެ ކަމަށް ވެސް ރިޕޯޓްތައް ބުނެއެވެ.
އެމެރިކާގެ އާ މަޝްރޫޢާއި އެ މަޝްރޫޢު މި ސަރަޙައްދުގައި ޚާއްޞަ ދައުރަކުން ތަންފީޒުކުރުން!
