ލިޔުންތެރިޔާ: ޔަހްޔާ އިރުފާން
މުޅި އިސްލާމީ ތާރީޚުގައި ޚަވާރިޖުން އުފެދުނު ކޮންމެ ފަހަރަކު، ޤަދީމީ ޒަމާނުގައި ވިޔަސް އަދި ފަހުގެ ޒަމާނުގައި ވިޔަސް، އެމީހުންގެ އުސޫލާއި ޢަމަލުތައް އަބަދުވެސް ފުޅާ މުސްލިމް ޖަމާޢަތާ ފުށުއަރާފައިވެއެވެ.
އައިއެސްގެ ނަމުން މަޝްހޫރު މިޒަމާނުގެ ޚަވާރިޖުން އުފެދުނު ފަހުން އިސްލާމްދީނުގެ އަސާސީ އަދި ދެވަނަ ދަރަޖައިގެ ގިނަ އުސޫލުތަކުން އެއްގޮތަކަށްވެސް އެއްކިބާވެފައިވެއެވެ. އެމީހުން މެދުނުކެނޑި މަސައްކަތް ކުރަނީ އިސްލާމްދީނުގެ ޢާއްމުކޮށް ޤަބޫލުކުރެވޭ އުސޫލުތައް އޮޅުވާލައި، މުސްލިމް އުއްމަތަށް ކަންބޮޑުވުންތައް އުފައްދައި، ދުނިޔޭގެ މުސްލިމުންގެ މެދުގައި ޝައްކުތަކާއި ގޯސް ޚިޔާލުތައް އިންދައިގެންނެވެ.
މި ފަނާކުރަނިވި އެޖެންޑާ ކުރިއަށް ގެންދިއުމުގައި އެމީހުން ވަނީ އެތައް ނަފްރަތު އުފެދޭ އަމަލުތަކެއް ހިންގާފައެވެ. މިސާލަކަށް އިރާގުގައި އެބައިމީހުން ވަނީ އެތައް ނަބިއްޔުން صلى الله عليه وسلم ގެ ގަބުރުތައް ތަޅާލާފައެވެ. ދުނިޔޭގެ ފެންވަރުގައި އެމީހުން ވަނީ ތަޤްވާވެރި މުސްލިމުންގެ ގަބުރުތައް ނައްތާލައި، ޖަމާޢަތްތަކަށް ބުރޫއަރުވައި، އިސްލާމީ ތަރިކައަށް އަމާޒުކޮށްފަ އެވެ.
ޚައިބަރު ޕަޚްތުންޚްވާ ސަރަހައްދުން އައިއެސް އިން ފެނިގެން ދިޔައިރު، އެމީހުންގެ ފުރަތަމަ އެއް އަމަލަކީ ޕަޝްތޯ ސޫފީގެ މަޝްހޫރު ޅެންވެރިޔާ އަބްދުއްރަހްމާން ބާބާ އާއި އެހެނިހެން ޞާލިޙު ފަރުދުންގެ ގަބުރުތައް ގޮއްވާލުމެވެ. މިކަމުގެ ސަބަބުން މުސްލިމް މުޖުތަމަޢުގެ ތެރޭގައި ފުޅާދާއިރާއެއްގައި އިތުބާރު ނެތްކަން އުފެދި، އިސްލާމީ އެތައް ޖަމާޢަތްތަކެއްގެ އަބުރު ހަލާކުވެގެން ދިޔައެވެ.
މިފަދަ އަމަލުތަކުގެ ފަހަތުގައި އައިއެސްގެ ނިޔަތަކީ އިސްލާމްދީނަކީ މުސްލިމުން ތަމްސީލުކުރާ ކަމަށް ބުނެ، ޝައްކާއި އޮޅުން ބޮޅުން ބޮޑު ދީނެއްގެ ގޮތުގައި ސިފަކުރުމެވެ. މިކަމުގެ ސަބަބުން އެހެން މުސްލިމުންގެ މެދުގައި ނުރުހުން ބޮޑުވެފައިވާއިރު، އައިއެސްގެ އަމަލުތަކުގެ މަޤްޞަދަކީ އިސްލާމް ދީނަކީ ސުވާލު އުފެދޭ އަދި މަގުފުރެދިފައިވާ ކަމެއް ކަމުގައި ހީވުމެވެ.
އެކި ސަރަޙައްދުތަކުގައި އައިއެސް އިން ވަނީ ބުދު އަޅުކަންކުރާ ތަންތަނުގެ ގޮތުގައި (الله ނަހީކުރައްވާ) ލޭބަލް ޖަހައި، ޤަދީމީ މިސްކިތްތައް ނައްތާލާފައެވެ. މި ހެދުމުގެ ދަށުން އެމީހުން ވަނީ އެތައް މިސްކިތްތަކެއް ތަޅާލާފައެވެ.
“އިސްލާމިކް ސްޓޭޓް: ދަ ޑިޖިޓަލް ޚިލާފަތު” ގެ ނަމުގައި ލިޔެފައިވާ ފޮތުގައި ފާހަގަކޮށްފައިވާ ގޮތުގައި: “އައިއެސް އިން ޒިޔާރަތްތަކާއި ގަބުރުތަކުން އަގުހުރި ތަކެތި ލޫޓުވައި، ދެން އެތަކެތި ނައްތާލަނީ، މި ތަކެތި ހަނގުރާމައިގެ ޣަނީމާގެ ގޮތުގައި ބަލައިގެންނެވެ.” (ޞަފްޙާ 42)
ރިޕޯޓްތައް ބުނާގޮތުން އައިއެސްގެ ބައެއް މެމްބަރުން ވަނީ ސައުދީ އަރަބިއްޔާގެ މައްޗަށް ކޮންޓްރޯލް ހޯދައިފިނަމަ މައްކާ އާއި މަދީނާގެ މުޤައްދަސް ތަންތަން ވެސް ހަލާކުކޮށްލާނެ ކަމަށް ބުނެފަ އެވެ.
މި ހާސްކުރުވަނިވި ލަފާއިން ދޭހަވަނީ އައިއެސް އިން ބުދު އަޅުކަން ކުރުމުގެ ނުވަތަ ކުފުރުގެ ރަމްޒެއްގެ ގޮތުގައި ދެކި، ޚުދު ކާބާއަކީ ވެސް ނައްތާލުމަށް ހައްގު އެއްޗެއް ކަމަށް ވެސް ދެކިފާނެ ކަމަށެވެ. އެމީހުންގެ އެންމެ ފަހުގެ މަޤްޞަދަކީ ދުނިޔޭގެ މުސްލިމުންގެ ޤިބްލަ ކަމުގައިވާ ކަޢުބާ ނައްތާލުމެވެ.
އެމީހުންގެ އަމަލުތަކުގެ މަގުސަދަކީ މުސްލިމުން އެއްބައިވަންތަކުރާ ހުރިހާ މަސްދަރުތަކާއި ރަމްޒުތައް ނައްތާލުމެވެ. މި އެއްބައިވަންތަކަމުގައި މުޤައްދަސް ތަންތަނަކީ މުހިންމު ދައުރެއް އަދާކުރާ ތަންތަނެވެ.
ނަމަވެސް އައިއެސް އަސާސީ ގޮތުން އުފެދިފައިވަނީ މުސްލިމުންގެ މެދުގައި ޚިޔާލުތަފާތުވުން އުފެއްދުމަށް ފަރުމާކޮށްފައިވާ މަޝްރޫޢެއްގެ ގޮތުގައެވެ. އެމީހުންގެ މިޝަން ކަމަށްވާ މުޤައްދަސް ތަންތަން ނައްތާލުމުގެ ބޭނުމަކީ، އިސްލާމްދީނުގެ ނިވަލުގައި، މުސްލިމް އުންމަތުގެ ތެރޭގައި ބައިބައިވުމާއި ނުތަނަވަސްކަން އުފެއްދުމެވެ.
