ލިޔުންތެރިޔާ: ހާރިސް ހިޝާމް
ހަމާސްގެ އިސްލާމީ އަދި ޖިހާދީ ހަރަކާތުގެ ލީޑަރު ޔަހްޔާ އިބްރާހިމް ހަސަން އަލް ސިންވާރު ޝަހީދުވެވަޑައިގަތީ އިއްޔެ އިސްރާއީލުގެ އިސްތިއުމާރީ ބާރުތަކާ ސީދާ ކުރިމަތިލުމެއްގަ އެވެ.
ހަމާސްގެ ސިޔާސީ ބިއުރޯގެ އިސްވެރިއަކަށް ޝަހީދު ހަސަން އަލް ސިންވާރު އައްޔަން ކުރެއްވީ އިސްމާއިލް ހަނިއްޔާ ޝަހީދުވުމާ ގުޅިގެންނެވެ.
އަލް ސިންވާރަކީ އޭނާގެ ބިން މިނިވަން ކުރުމަށްޓަކައި ކުރި މަތިވެރި މަސައްކަތުގައި އިސްރާއީލުގެ ބާރުތަކާ ދެކޮޅަށް ސީދާ ހަނގުރާމައަށް މުޅި ޙަޔާތް ޚާއްޞަކުރެއްވި ޙިކުމަތްތެރި، ވިސްނުންތޫނު އަސްކަރީ އަދި ސިޔާސީ ލީޑަރެކެވެ. އެންމެ ފަހުން އޭނާގެ އެންމެ ބޮޑު އުންމީދު ކަމަށްވާ ޝަހީދުވުން ހާސިލް ކުރެވުނެވެ.
1962 ވަނަ އަހަރުގެ އޮކްޓޯބަރު މަހުގެ 29 ވަނަ ދުވަހު ޣައްޒާގެ ދެކުނުގެ ޚާން ޔޫނިސް ކައިރީގައި އޮންނަ ރެފިއުޖީ ކޭމްޕަކަށް އުފަން އަލް ސިންވާރު ވަނީ އެ ކޭމްޕްގެ ފިރިހެން ކުދިންގެ ސްކޫލުން ޕްރައިމަރީ ތައުލީމު ފުރިހަމަކޮށް، ފަހުން އިސްލާމިކް ޔުނިވާސިޓީ އޮފް ޣައްޒާއިން އަރަބި ބަހުން ބެޗްލަރސް ޑިގްރީ ހާސިލް ކުރައްވާފައެވެ.
މުޅި މަސައްކަތުގައި އަލް ސިންވާރު ވަނީ އެތައް ފަހަރަކު ޖަލަށްލާ، ދެ ދިހަ އަހަރަށް ވުރެ ގިނަ ދުވަހު ޖަލުގެ ތަޅުދަނޑި ފަހަތުގައި ހޭދަކޮށްފަ އެވެ. އެއްފަހަރަކު އުމުރަށް ޖަލަށްލުމަށް ހުކުމް ކުރި ނަމަވެސް ފަހުން އޭނާ ދޫކޮށްލީ ގައިދީން ބަދަލުކުރުމުގެ އެއްބަސްވުމެއްގެ ދަށުންނެވެ.
މިދިޔަ އަހަރުގެ އޮކްޓޯބަރު މަހުގެ ހަތް ވަނަ ދުވަހު އިސްރާއީލުގެ އާބާދީތަކުގެ ތެރޭގައި ހަމާސްއިން ވަރަށް ކާމިޔާބު އޮޕަރޭޝަންތަކެއް ހިންގިއިރު، އޭގެ ސަބަބުން އިސްރާއީލުގެ ގިނަ ސިފައިން މަރުވެ، ގިނަ އަދަދެއްގެ ބަޔަކު އަތުލައިގަތެވެ. މި އޮޕަރޭޝަންތަކަށް ފަހު އަލް ސިންވާރު ވެގެން ދިޔައީ އިސްރާއީލުން އެންމެ ބޭނުންވާ ފަރާތަކަށް ކަމަށާއި، އޭނާ ނައްތާލުމަކީ އިސްރާއީލުގެ މުހިންމު ސްޓްރެޓެޖިކް އަމާޒަކަށް ވެގެން ދިޔަ ކަމަށެވެ.
އެންމެ ފަހު ނޭވާއާ ހަމައަށް އޭނާ ހުންނެވީ ހަނގުރާމަވެރިންނާއެކު ކުރިމަތީ ސަފުގައި، ހިފާފައިވާ ބާރުތަކާ ދެކޮޅަށް ހަނގުރާމަ ކުރަމުންނެވެ. ދުވަހަކުވެސް ހަވާލުވެވަޑައިގެން ހަގީގީ ބަޠަލާ ލީޑަރެއްގެ ހަނދާން އާލާކުރެއްވިއެވެ.
ޝަހީދު އަލް ސިންވާރުގެ މަޤްޞަދު ޙާޞިލުކުރެއްވިއެވެ. ކުރީގެ ވީޑިއޯއެއްގައި އޭނާ ބުނެފައި ވަނީ “އަހަރެންގެ އެންމެ ބޮޑު ހުވަފެނަކީ އިސްރާއީލުން މަރާލުމެވެ.” ގައިދީންގެ ތެރޭގައި ފޮރުވިފައިވާ ކަމަށް ދުޝްމަނުންގެ ތުހުމަތުތަކެއް ކުރި ނަމަވެސް، އަލްސިންވާރު ހިތްވަރުގަދަކަމާއެކު ހަނގުރާމައިގައި އޭނާގެ ދުޝްމަނުންނާ ކުރިމަތިލައި، ޝަހީދުވެ، އޭނާގެ އެންމެ ފަހުގެ އަމާޒު ހާސިލް ކުރެއްވިއެވެ.
ޝަހީދު އަލް ސިންވާރަކީ އިސްލާމީ ތާރީޚުގައި ވިދާ ތަރިއެއް ކަމަށާއި، އޭނާގެ މުޅި ޙަޔާތް މާތްވެގެންވާ މަސައްކަތާއި ޖިހާދަށް ޚާއްސަ ކުރެއްވި ބޭފުޅެކެވެ. އޭނާގެ ދުޝްމަނުންގެ ހިތްތަކުގައި ބިރުވެރިކަން އުފައްދައި، އެމީހުންގެ ނުބައި ރޭވުންތައް ނާކާމިޔާބުކޮށް، ނިދި ގެއްލިގެން ދިޔައެވެ. އޭނާގެ ދުޝްމަނުންގެ ކިބައިގައި ބިރުވެރިކަން އުފެއްދުމަށް ހަމައެކަނި އޭނާގެ ނަން ފުދިއްޖެއެވެ.
