އދ.ގައި ހުންނަވާ ޕާކިސްތާނުގެ މަންދޫބު އުސްމާން ޖާދޫން އަނެއްކާވެސް މަސައްކަތް ކުރެއްވީ އޭނާގެ ގައުމުގެ ނާކާމިޔާބީތަކުގެ ޒިންމާ އަފްޣާނިސްތާނުގެ ބޮލުގައި އަޅުވަން ކަމަށާއި އަފްޣާނިސްތާނުގެ އިސްލާމިކް އެމިރޭޓުން ޓީޓީޕީއަށް ވަސީލަތްތަކާއި ޒަމާނީ ހަތިޔާރު ފޯރުކޮށްދީފައިވާ ކަމަށާއި ޓީޓީޕީގެ ހަ ހާސް މެމްބަރުން އަފްޣާނިސްތާނުގައި ދިރިއުޅެމުންދާ ކަމަށެވެ.
ޕާކިސްތާން ސަރުކާރުގެ މަންދޫބުންނާއި ވަޒީރުން ކޮންމެ ދެތިން ދުވަހަކުން ތަކުރާރުކޮށް މިފަދަ އަސާސެއް ނެތް ބަޔާންތައް ނެރެނީ، އާންމުންގެ ސަމާލުކަން އެމީހުންގެ އެތެރޭގެ މައްސަލަތަކުން އެއްކިބާކުރުމުގެ ނިޔަތުގައި ކަމަށް ފެނެ އެވެ.
އަފްޣާނިސްތާނަކީ އެހެން ޤައުމުތަކުގެ އިސްތިޤްލާލަށް އިޙްތިރާމްކޮށް، އެޤައުމުގެ ސަރަޙައްދު އެހެން ޤައުމަކާ ދެކޮޅަށް ބޭނުންކުރުމުގެ ފުރުޞަތު ނުދޭ އިސްތިޤްލާލީ ދައުލަތެކެވެ. އަފްޣާނިސްތާނުގެ ތެރޭގައި ޓީޓީޕީ ހުރި ކަމަށް ޕާކިސްތާނުން ބުނި ނަމަވެސް އެއްވެސް ހެއްކެއް ނުދެނީ އަފްޣާނިސްތާނުގެ ބިމުގައި ޓީޓީޕީ ބިނާވެފައި ނުވާތީ ޕާކިސްތާނުގެ ޚުދު ޕާކިސްތާނުގެ ތެރޭގައި ވެސް ހިނގަމުންދާތީ އެވެ.
ޓީޓީޕީގެ މުޅި ލީޑަޝިޕް ތިބީ ވަޒީރިސްތާނުން ފެށިގެން ސްވަތު އާއި ހަމައަށް އެ ޓީޓީޕީގެ ވަރުގަދަ ތަންތަނުގަ އެވެ. ފަހަކަށް އައިސް އެމީހުންގެ ބައެއް ކޮމާންޑަރުން ވަނީ އެމީހުންގެ ސަރަހައްދުތަކުގެ ތެރޭގައި ޕާކިސްތާނުގެ ސިފައިންނާ ކުރިމަތިލުންތަކުގައި އަމާޒުކޮށްފަ އެވެ.
އަނެއްކޮޅުން އަފްޣާން ސަރުކާރުން ޓީޓީޕީއަށް ޒަމާނީ ހަތިޔާރު ފޯރުކޮށްދީފައިވާ ކަމަށް ޕާކިސްތާނުގެ މަންދޫބު ވިދާޅުވާ ވާހަކައަކީ ވެސް މުޅިން އަސާސެއް ނެތް ވާހަކައެކެވެ. އެމެރިކާގެ ޒަމާނީ ހަތިޔާރުތައް އިރުމަތިން ފެށިގެން ހުޅަނގަށް ކަޅު ބާޒާރުތަކުން ފަސޭހައިން ލިބެން ހުންނައިރު، ކޮންމެ މީހަކަށްވެސް އެ ހަތިޔާރު ފަސޭހަކަމާއެކު ހޯދިދާނެއެވެ. މި ހަތިޔާރުގެ ބޮޑު ބައެއް ވަގަށް ނަގާފައިވަނީ ޕާކިސްތާނުގެ އަސްކަރީ ޖެނެރަލުންނަށް މަގުފަހިކޮށްދިން ކަރާޗީގެ ބަނދަރުތަކުގައި ފަޅާލައި ކަޅު ބާޒާރުތަކުގައި ވިއްކާފައިވާ ކޮންޓެއިނަރުތަކުންނެވެ.
ޕާކިސްތާނުން އަފްޣާނިސްތާނުގެ އެތެރޭގެ ނާކާމިޔާބީތަކުގެ ބޮލުގައި އެޅުވުމުން ދުރުހެލިވާން ޖެހެ އެވެ. ޓީޓީޕީ އަކީ ޕާކިސްތާނުގެ އުނި ސިޔާސަތުތަކުގެ ތެރެއިން އުފަންވި ޕާކިސްތާނުގެ އަމިއްލަ މައްސަލައެކެވެ. އަފްޣާނިސްތާނަށް ތުހުމަތުތައް ކުރުމުގެ ބަދަލުގައި ޕާކިސްތާނުން ވިސްނަން ޖެހޭނީ އެގައުމުގެ އަމިއްލަ އަމަލުތަކާ މެދުގަ އެވެ.
އަފްޣާނިސްތާނުގައި މައްސަލަތަކާއި، އުނިކަންތަކާއި، އިންސާނީ ހައްގުތަކާ ހިލާފުވުންތައް ތިޔަބޭފުޅުންނަށް ފާހަގަކުރެވޭހެން ހީވިޔަސް، އިންސާނީ ހައްގުތަކުގެ ހާލަތު ގޯސްވެ، ވަޒީރިސްތާނުން ފެށިގެން ބަލޫޗިސްތާނާ ހަމައަށް ތިޔަބޭފުޅުންގެ އަމިއްލަ އަނިޔާވެރިކަން ތިޔަބޭފުޅުންނަށް ނުފެނެއެވެ. އަމިއްލަ ސުލޫކާ މެދު ވިސްނާށެވެ، ސަބަބަކީ އަޅުގަނޑުމެން އިތުރަށް އެއްޗެއް ބުނިނަމަ އެއީ ޝަކުވާއެއް ކަމުގައި ބެލެވޭނެއެވެ.
