ލިޔުނީ: އިހުސާން އަރަބް
އުއްމަތުގެ ޢިލްމުވެރިންނާއި ފިކުރީ ބޭފުޅުންނަށް އަމާޒުކޮށްގެންނެވެ
ދާޢިޝީ ޚަވާރިޖުގެ ނުބައި ބޮޑު އެއް މަޤްޞަދަކީ، އިޙްތިރާމް ލިބިގެންވާ އަދި ޞާލިޙު ޢިލްމުވެރިން – ރަސޫލާ ޞައްލަﷲ ޢަލައިހި ވަސައްލަމަގެ ހަގީގީ ވާރިސުންނާއި އެކަލޭގެފާނުގެ މެސެޖުގެ ބެލެހެއްޓުންތެރިންގެ ގޮތުގައި ޚިދުމަތްކުރާ މީހުން އަވަހާރަކޮށްލުމެވެ. އިސްލާމްދީނުގެ ވަރަށް ފަތިސް ދުވަހުން ފެށިގެން މިއަދާ ހަމައަށް ދާޢިޝް ވަނީ މި ނުބައި އެޖެންޑާއަށް ކެތްތެރިކަމެއް ނެތި ކުރިއަށް ގެންގޮސްފައެވެ.
މިޒަމާނުގެ ދާޢިޝީ ޚަވާރިޖުން ވަނީ އެމީހުންގެ ހަރަކާތް ފެށުނު ދުވަހުން ފެށިގެން ގުނާ ނުލެވޭ ވަރުގެ ތަޤްވާވެރި ޢިލްމުވެރިންގެ ސާފު ލޭން އަތް ކުލަ ޖައްސަވައި، އެމީހުންގެ ކުރީގެ ވެރިންގެ ނުބައި ޢަމަލުތައް ކުރިއަށް ގެންގޮސްފައެވެ.
މި ގޮތުން ދާޢިޝްގެ ނުރައްކަލާމެދު މުސްލިމް އުއްމަތަށް އެންމެ ހީވާގިކަމާއެކު އިންޒާރުދީ، އޭގެ ފިކުރާ ދެކޮޅު ހެދި އިލްމުވެރިން ވަނީ އެ އުންމަތުގެ އަސާސީ އަމާޒުތަކަކަށް ވެފައެވެ. އެކަންކަން ނައްތާލުމަށް ކުރާ މަސައްކަތުގައި ދާޢިޝް ވަނީ ތަފާތު ގޮތްގޮތަށް އޮޅުވާލުމާއި ޚިޔާނާތުގެ ބޭނުން ހިފާފައެވެ.
އިސްލާމީ އިލްމުވެރިންނާއި ފިކުރީ ބޭފުޅުންނަށް ދާޢިޝް އަމާޒުކުރުމުގެ މައިގަނޑު އެއް ސަބަބަކީ މި ފަނާކުރަނިވި ފިތުނަ ފަޅާއެރުވުމުގައި އެމީހުންގެ ދައުރެވެ. މުޅި ތާރީޚުގައިވެސް މި ޢިލްމުވެރިން ވަނީ ދާޢިޝްގެ ނުރައްކަލާ ބެހޭގޮތުން އާންމުންނަށް ސަމާލުކަންދީ، ދާޢިޝް އަޅަން މަސައްކަތްކުރާ އިސްލާމީ މޫނުމަތިން ނަގާފައެވެ.
ދާޢިޝީ ޚަވާރިޖުގެ މަޤްޞަދަކީ މަޢުލޫމާތު ނެތް މީހުންގެ މައްޗަށް، ޚާއްޞަކޮށް ނޭއިވް އަދި ޖަޒުބާތީ ގޮތުން ދުއްވާ ޒުވާނުންގެ މައްޗަށް ވެރިކަން ޤާއިމުކުރުމަށްޓަކައި ޢިލްމުވެރިން ނައްތާލުމެވެ. އެކަން ކުރުމުގައި އެމީހުން މަސައްކަތް ކުރަނީ ވިހަ ފިކުރުތަކާއި ބޭރުގެ ޢަޤީދާތަކުން އެމީހުންގެ ސިކުނޑި ފަސާދަކުރުމަށެވެ.
ހަމަ މި ސަބަބަށްޓަކައި، މި ނަފްރަތު ކުރެވޭ ޖަމާޢަތުން ޢިލްމުވެރިންނާއި ޙަޤީޤަތް ހޯދާ ދަރުސްވެރިން – ޖާހިލުކަމުގެ އަނދިރިކަމުގެ ތެރޭގައި އަލިކަމުގެ ދިއްލާއެއްގެ ގޮތުގައި މަސައްކަތްކުރާ ފަރުދުން – އަވަހާރަކޮށްލައެވެ. އެގޮތަށް ކަންތައް ކުރުމުން އެމީހުންގެ އަމާޒަކީ އެމީހުންގެ ނުބައި އެޖެންޑާއަށް މަގުފަހިކޮށްދީ، މުޅި މުސްލިމް މުޖުތަމަޢުތަކުގައި ޖާހިލުކަން ފެތުރުމެވެ.
ދާޢިޝީ ޚަވާރިޖުގެ މި ނަފްރަތު ބޮޑު އަމަލަކީ އިސްލާމްދީނުގެ ދުޝްމަނުންނަށް ވަރަށް ބޮޑު ފައިދާއެއް ކުރާ ކަމެއް ކަމުގެ ޙަޤީޤަތް ފަރުވާކުޑަކޮށްގެން ނުވާނެއެވެ. މި ދުޝްމަނުން މުސްލިމް މުޖުތަމަޢުތަކުގައި ތިބި ޞާލިޙު އިލްމުވެރިންނަކީ އެމީހުންގެ އެޖެންޑާތަކަށް އޮތް ބޮޑު ހުރަހެއްގެ ގޮތުގައި ދެކި، ކޮންމެ ގޮތަކުންވެސް މި ހުރަސް ނައްތާލުމަށް މަސައްކަތްކޮށްފައިވެއެވެ.
ޝައްކެއްވެސްނެތްގޮތުގައި، ދާޢިޝީ ޚަވާރިޖުން މިކަމުގައި ކާފަރުން ފަހަނައަޅައި ގޮސްފައިވަނީ (ކާފަރުންނަށް ނުކުރެވުނު ކަންތައްތައް ޙާޞިލުކޮށްގެންނެވެ). އެމީހުން ވަނީ ޖިހާދާއި ޝަހީދުވުމުގެ އޮޕަރޭޝަންތަކުގެ ނިވާކޮށްގެން ޣާފިލު މީހުންގެ ސިކުނޑި މެނިޕުއަލްކޮށް، އެމީހުންނަށް އޮޅުވާލާފައެވެ. އެމީހުން ވަނީ ސުއިސައިޑް ވެސްޓް ޖަހައި މިސްކިތްތަކަށް ފޮނުވާލާފައެވެ.
މުޅި ތާރީޚުގައި އިސްލާމްދީނުގެ ދުޝްމަނުން ޚަރަދުކުރި ބޮޑު މާލީ ވަސީލަތްތަކާއެކުވެސް، އެއްވެސް މުސާރައެއް ނެތި މިހާރު ދާޢިޝްއިން ހިންގާ ވަރުގެ ސީދާ އަދި އަސަރުގަދަ އޮޕަރޭޝަންތައް ކުރިއަށް ނުގެންދެވުނެވެ.
މިފަދަ އޮޕަރޭޝަންތަކުގެ މިސާލަކީ އަފްޣާނިސްތާނުގައި ދާޢިޝް އިން ޞާލިޙު އިލްމުވެރިން ޝަހީދު ކުރުމެވެ. ދެ ދިހަ އަހަރަށް ވުރެ ގިނަ ދުވަހު ހިފާފައިވާ މީހުންނާއި އެމީހުންގެ ލޯކަލް ކޯލަބަރޭޓަރުން އެމީހުންނަށް އެއްވެސް ގެއްލުމެއް ދިނުމުގައި ނާކާމިޔާބުވި އެވެ.
ދާއިޝް: އިސްލާމްދީނާ ދެކޮޅަށް ހުޅަނގުގެ ޕްރޮކްސީއެއް – 5 ވަނަ ބައިި
