އިސްލާމިކް އެމިރޭޓް: ފުރިހަމަ އިސްލާމީ ނިޒާމެއް |  1 ވަނަ ބައި

ލިޔުންތެރިޔާ: އަބޫ ސުހައިބް

ލޮބުވެތި ކިޔުންތެރިން، އަތުގައި އޮތް މައުޟޫޢު ސާފުކޮށް ތަފްޞީލުކޮށްދިނުމަށްޓަކައި، އަޅުގަނޑުމެންގެ މަޝްވަރާ އިތުރަށް ސާފުކޮށް އަލިކޮށްދިނުމަށް އެހީތެރިވެދޭނެ މުހިންމު ބައެއް މައުޟޫޢުތައް ހޯދުމަށް އަޅުގަނޑު އެދެމެވެ.  މި މަޝްވަރާ އިންތިޒާމްކޮށްފައިވަނީ ތިރީގައިވާ ސުރުޚީތަކުގެ ދަށުންނެވެ.

1. އިސްލާމީ ނިޒާމުގެ މާނަކުރުމާއި ތަޢާރަފްކުރުން
2. އިސްލާމީ ނިޒާމުގެ ނަންތައް
3. އިސްލާމީ ނިޒާމަށް އަމީރާތެއްގެ ބޭނުންތެރިކަން
4. އިސްލާމީ ނިޒާމެއްގެ ތެރޭގައި އިސްލާމީ އަމީރާތެއްގެ ޝަރުޠުތައް
5. އިސްލާމީ އަމީރާތާއި ބެހޭގޮތުން އާންމުކޮށް އުފެދިފައިވާ ގޯސް ޚިޔާލުތަކާއި އެކަންކަން ސާފުކުރުން

1. އިސްލާމީ ނިޒާމުގެ މާނަކުރުން

އިސްލާމީ ނިޒާމަކަށް ނިސްބަތްވަނީ، އޭގެ އޮނިގަނޑާއި، މަޤްޞަދާއި، ޤާނޫނުތަކާއި، ތަންފީޒުކުރުން – ބިންގާ ނުވަތަ ސަބްސިޑަރީ ކަންކަމުގައި ވިޔަސް- އިސްލާމީ ޝަރީޢަތުގެ އުސޫލުތަކާ ފުރިހަމައަށް އެއްގޮތްވާ ވެރިކަމުގެ އޮނިގަނޑަކަށެވެ.  ސާދާ ބަހުން ބުނާނަމަ އެއީ، މުޙައްމަދު ނަބިއްޔާ (ޞޢވ) ގެ މެތޮޑޮލޮޖީއާ އެއްގޮތަށް، الله ތަޢާލާގެ އިލާހީ އަމުރުފުޅުތައް އެކަލާނގެ ބިމުގައި ތަންފީޒު ކުރުމެވެ.

މިއިން ދޭހަވަނީ މިފަދަ ނިޒާމަކަށް ވާންޖެހޭނީ:

– މުސްލިމުން އަމިއްލައަށް ޤާއިމުކޮށް ބެލެހެއްޓުން
– އިސްލާމީ ޝަރީޢަތް ވީހާވެސް ފުރިހަމައަށް ތަންފީޒުކުރުމަށް ވަޢުދުވުން
– الله ގެ ބަސްފުޅު މަތިވެރިކުރުމުގެ ފާޅުކަން ބޮޑު ނިޔަތެއްގައި ބިނާކޮށްފައިވުން
– ވެރިކަން ކުރެވެނީ އަމްރު ބިލްމަރޫފް (ހެޔޮކަން އަމުރުކުރުން) އާއި ނަހީ އަނިލްމުންކަރު (ނުބައިކަން މަނާކުރުން) ގެ އުސޫލުތަކުގެ ތެރެއިންނެވެ .

ޝަރުޢީ އިސްލާމީ ނިޒާމެއް ބިނާކުރަންޖެހޭ ބިންގަލުގެ އުޞޫލުތަކުގެ މައްޗަށް އެކުލެވިގެންވެއެވެ

މި މުހިންމު އުސޫލުތައް ތިރީގައި މިވަނީއެވެ.

އިސްލާމީ ނިޒާމުގެ އަސާސީ އުސޫލުތައް

ފުރަތަމަ އުސޫލު: ޤާބިލު މުސްލިމް ލީޑަރޝިޕް
އިސްލާމީ ނިޒާމުގެ ލީޑަރަކީ ލީޑަރޝިޕް ޙާޞިލުކުރުމަށް ޝަރީޢަތުގެ މައްޗަށް ބިނާކޮށް ބޭނުންވާ ޝަރުޠު ހަމަވާ މުސްލިމަކަށް ވާންޖެހެއެވެ.  ލީޑަރަކީ މުސްލިމެއް ނޫން ނަމަ ނުވަތަ ޝަރުޢީ ދީނީ ޝަރުޠު ހަމަނުވާ ނަމަ އިސްލާމީ ނިޒާމެއް ރަނގަޅަށް ތަންފީޒު ކުރެވޭނެ ކަމަށް އެބޭފުޅުންގެ ބާރުގެ ދަށުން އުއްމީދެއް ނުކުރެވޭނެއެވެ.

ދެވަނަ އުޞޫލު: އިސްލާމީ ޝަރީޢަތުގެ އިސްތިޤްލާލު
ހުރިހާ ޤާނޫނުތަކާއި ވެރިކަން ހިންގުމުގެ އެންމެ މަތީ މަޞްދަރާއި ރިފަރެންސަކަށް ވާންޖެހޭނީ އިސްލާމީ ޝަރީޢަތެވެ.  ޤާނޫނީ ނިޒާމަކީ އަސްލުގައިވެސް އަދި މަޤްޞަދުގައިވެސް އިސްލާމީ ނިޒާމަކަށް ވާންޖެހޭއިރު، އިންސާނުން އުފެއްދި ފިކުރުތަކަށް ނުވަތަ އިލާހީ އިރުޝާދާ ފުށުއަރާ ބޭރުގެ ޤާނޫނީ ނިޒާމުތަކަށް ޖާގައެއް ނެތެވެ.

ތިންވަނަ އުސޫލު: މަރުކަޒީ ކުރުމާއި އެއްބައިވަންތަކަން
އިސްލާމީ ނިޒާމު އެއްބައިވަންތަކޮށް މަރުކަޒީ ނިޒާމަކަށް ވާންޖެހެއެވެ.  އެއީ ފަޅައިގެން ގޮސް، ކޯލިޝަންގެ މައްޗަށް ބިނާކޮށް، ނުވަތަ ނަސްލީ، ފިކުރީ، ޕާޓީގެ، ނުވަތަ މަޒުހަބީ ބައިބައިވުންތަކެއްގެ މައްޗަށް ބިނާވެފައިވާ ކަމެއް ނޫނެވެ.  މި ނިޒާމުގައި ބައިވެރިވާ ހުރިހާ ފަރުދުން ހޮވަންވާނީ އައިޑެންޓިޓީ ޕޮލިޓިކްސްގެ މައްޗަށް ނޫން، މެރިޓާއި އެލިޖިބިލިޓީއަށް ބަލައިގެންނެވެ.  އެ ނިޒާމުގައި އިސްލާމީ ވަޒަނާއި ދުނިޔޭގެ މުސްލިމް އުއްމަތަށް ވައުދުވުން އެކުލެވިގެންވާން ޖެހެ އެވެ.

ހަތަރުވަނަ އުސޫލު: ޝޫރާ (މަޝްވަރާ)
މަޝްވަރާ (ޝޫރާ) ކުރިއަށް ގެންދަންވާނީ އެކަށީގެންވާ ޝަރުޠުތަކެއް ލިބިފައިވާ ފަރުދުންނާއެކުގައެވެ.  ނަމަވެސް ޝޫރާ ޢަމަލުކުރެވޭނީ ހަމައެކަނި ފާޅުނުވާ (އެބަހީ، ޣައިރު މަންޝޫޝް) އަދި އިޖްތިހާދީ ނޫން ކަންކަމުގައެވެ.  ސާފު ޤުރުއާނުގެ ދަލީލު (ނަޝްޝް) ހުރި ޙާލަތްތަކުގައި ޝޫރާގެ އެއްވެސް ބާރެއް ނެތެވެ.  އިލްމީ ވިސްނުމެއް (އިޖްތިހާދު) ލާޒިމުވާ ތަންތަނުގައި އެފަދަ ކަންކަން ޤާބިލު އިސްލާމީ އިލްމުވެރިންނަށް ހުށަހަޅަން ޖެހެއެވެ.

ފަސްވަނަ އުސޫލު: ޝަރީޢަތުގެ މަޤްޞަދުތައް ރައްކާތެރިކުރުން
ޝަރުޢީ އިސްލާމީ ނިޒާމަކުން ޝަރީޢަތުގެ މަތިވެރި ފަސް މަޤްޞަދު (މަޤާޝީދު) ރައްކާތެރިކުރަން ޖެހެއެވެ:

– ދީން ދަމަހައްޓައިދިނުން 
– އިންސާނާގެ ފުރާނަ ރައްކާތެރިކުރުން
– ބުއްދި ރައްކާތެރިކުރުން
– ޝަރަފާއި ކަރާމާތް ރައްކާތެރިކުރުން
– މުދާ ރައްކާތެރިކުރުން

ކުރިއަށް އޮތް ބައިތަކުގައި އިސްލާމީ ނިޒާމުގެ ސަގާފީ ނަންތަކާއި، އެ ނިޒާމު ރަނގަޅަށް ހިންގުމުގައި އަމީރާތުގެ ކޮންމެހެން އަދާކުރަންޖެހޭ ދައުރާއި، އިސްލާމީ ނިޒާމެއްގެ ދަށުން އިސްލާމީ އަމީރާތެއް ފޯމް ހޯދުމަށް ބޭނުންވާ ޝަރުތުތަކާއި، އެންމެ ފަހުން އިސްލާމީ އަމީރާތާ ދެކޮޅަށް އުފެދޭ އާންމު ޝައްކުތަކާއި އިއުތިރާޒުތައް ފާޑުކިޔައި ދިރާސާކުރާނަމެވެ.