ލިޔުނީ: ޖުނައިދު ޒާހިދް
އައިއެސްގެ ޠަބީޢަތާއި، އައިއެސްގެ ހަރަކާތްތަކާ ބެހޭގޮތުން ވަރަށް ބޮޑަށް މަޝްވަރާކުރެވި، ކޮންމެވެސް މިންވަރަކަށް މި ޖަމާޢަތަކީ ހަލަބޮލިކަމާއި ފަނާކުރަނިވި ބާރެއްގެ ގޮތުގައި އެންމެންވެސް ދެނެގަނެއެވެ.
އެހެންނަމަވެސް، މި މާލީވޮލެންޓް ގްރޫޕްގެ މަޤްޞަދުތައް ދެނެގަތުމަކީ، މި ގްރޫޕްގެ ފުޅާ، ތަފާތު، އަދި އެކި ދިމަދިމާލުގައި ހުރި ލަނޑުދަނޑިތަކުގެ ސަބަބުން ކޮމްޕްލެކްސް ގޮންޖެހުމެކެވެ. އައިއެސް ތަފާތު ދާއިރާތަކަށް ވަދެގަތުމުގެ ނުރައްކަލަކީ އިންކާރު ނުކުރެވޭ ހަގީގަތަކަށް ވާތީ، ފުރިހަމައަށް ބެލުމަކީ ކޮންމެހެން ކުރަންޖެހޭ ކަމެކެވެ. އެމީހުންގެ ނުފޫޒު އެތައް ޗެނަލްތަކެއް މެދުވެރިކޮށް ފެތުރެމުންދާތީ، އެމީހުން ބޭނުންކުރެވިދާނެ ކޮންމެ މަގެއް ދެނެގަނެ، ހުރަސްއެޅުން ކޮންމެހެން ބޭނުންތެރިވެއެވެ.
އަޅުގަނޑުމެން ދިރިއުޅޭ ދުނިޔެއަކީ މުސީބާތްތަކުން ފުރިފައިވާ ދުނިޔެއެއް ކަމަށާއި، އޭގެ ތެރެއިން ގިނަ މުސީބާތްތައް ދުއްވަނީ ސެމީ ޕޮލިޓިކަލް އަދި ބޭރުން ކޮންޓްރޯލް ކުރެވޭ ހަރަކާތްތަކުން ކަމަށެވެ. މި ޖަމާޢަތްތަކުގައި ސާފު ފިކުރީ ބިންގަލެއް ނެތުމުން، ވަގުތީ، އެނބުރޭ މަޝްރޫޢުތަކެއްގެ ގޮތުގައި މާބޮޑަށް ޙަރަކާތްތެރިވެ، ހަމައެކަނި އެމީހުންނަށް ޙަވާލުކުރެވޭ އިރުޝާދުތަކުގެ މައްޗަށް ބިނާކޮށް ކުރިއަށްދެއެވެ.
މިއަދުގެ ދުނިޔޭގައި- ބޮޑުވަމުން އަންނަ ނުތަނަވަސްކަމާއި، ހަލަބޮލިކަމާއި، ހަމަނުޖެހުންތަކުން ފާހަގަކުރެވޭ- މިފަދަ ހަމަޖެހުން ގެއްލިގެންދާ ހަރަކާތްތަކުގެ ދައުރު ދުވަހެއް ދުވަހަކަށް ފެންނަމުންދެއެވެ.
ހަމަކަށަވަރުން، އައިއެސް އަކީ މިހާރު ހިނގަމުންދާ ދުނިޔޭގެ ދަތިކަމުގެ ފަހަތުގައި މުހިންމު ބާރެއްގެ ގޮތުގައި ކޮޅަށް ތެދުވެފައިވާ ބައެކެވެ. އަނިޔާވެރިކަމާއި ބިރުވެރިކަމުގެ ތެރޭގައި ބިންވަޅު ނެގިފައިވާ އެ ޖަމާއަތުގެ ފިކުރު މުޅި ދުނިޔެއަށް ވަނީ ހާމަވެފައެވެ.
އަނިޔާވެރިކަމާއި ހަނގުރާމައިން އެއްކިބާވެފައިވާ ދުނިޔެއެއް ހަގީގަތަކަށް ވެގެންދާނީ، މި ސްޓްރަކްޗަރ ނެތް އަދި ފަނާކުރަނިވި ޖަމާއަތްތައް ނައްތާލައި، އެމީހުންގެ ޙާޟިރީން ދުނިޔެ ސާފުވެގެން ދިއުމުންނެވެ.
ދުނިޔޭގެ އެކި ކަންކޮޅުތަކުން ދަނީ މިއަދުގެ ދުނިޔެއަށް ކުރިމަތިވެފައިވާ މުސީބާތްތަކަށް ހައްލު ހޯދުމަށް – ކޮންމެ ޙަރަކާތެއްވެސް އަމިއްލަ ގޮތަކަށް މަސައްކަތް ކުރަމުންނެވެ. ނަމަވެސް މި މުސީބާތްތައް އެކުލަވާލާފައިވަނީ ހަނގުރާމައިގެ ކާމިޔާބު ހޯދާ މީހުންގެ ގޮތުގައި އެންމެ ފަހުން ފާޅުވާ ހަމަ އެ ބާރުތަކެވެ.
ބޮޑެތި ބާރުތަކުން، ތާރީޚު ދިރާސާކޮށް، އެމީހުންގެ ދިގުމުއްދަތުގެ މަޤްޞަދުތައް ޙާޞިލުކުރުމަށްޓަކައި ހަނގުރާމައިގެ މައިދާނުގައި ސީދާ ގުޅުމަކީ ކުރެވޭނެ ކަމެއް ނޫންކަން އަދި ޚަރަދު ކުޑަވެސް ކަމެއް ނޫންކަން ވިސްނިއްޖެއެވެ. ނަތީޖާއެއްގެ ގޮތުން އެމީހުންގެ އިންސްޓްރޫމެންޓްގެ ގޮތުގައި ހަރަކާތްތެރިވުމަށްޓަކައި ދުނިޔޭގެ އެކި ކަންކޮޅުތަކުގައި ޕްރޮކްސީ ގްރޫޕްތައް އުފައްދާފައިވެއެވެ. މީގެ އިތުރުން، މި ޖަމާޢަތްތަކަށް ޙަވާލުކުރެވިފައިވާ މިޝަންތައް ފުރިހަމަ ކުރުމުން، ހަމަ އެ ބާރުތަކުން އެ ޖަމާޢަތްތައް ރޫޅާލުމުގެ ބާރު ހިފަހައްޓާފައި ވެއެވެ- މިހެންވެ، ދުނިޔެއަށް ދައްކުވައިދެނީ، ހަލަބޮލިކަމާއި ފަނާކުރުން ފިލުވައިދޭ ސަލާމަތްތެރިންގެ ގޮތުގައެވެ.
ދުނިޔޭގެ ބޮޑެތި ބާރުތަކުން ގެންގުޅޭ ސްޓްރެޓެޖީތައް ހާމަވެ، ހަމަނުޖެހުން ބޮޑު ސަރަހައްދުތަކުގައި ދިރިއުޅޭ މީހުންނަށް ވެސް ވަނީ ހަގީގަތް ދެނެގަނެފަ އެވެ. ނަމަވެސް އައިއެސް ފަދަ ޖަމާއަތްތައް އުފެދި، އަނިޔާވެރިންގެ ދައުރު މޮޅަށް ނަގައިގެން އުފެދުމުން، ފަރުދުންނަށް ފުށުއެރުން ފެނި، މިފަދަ ހަރަކާތްތައް ފިއްތާލުމަށް މި ބޮޑެތި ބާރުތަކުގެ ޙާޟިރީއަކީ ފައިދާހުރި، ކޮންމެހެން ބޭނުންތެރި ކަމެއް ކަމުގައި ވެސް ހީވެއެވެ. ހަގީގަތުގައި ހަމަ މި ބާރުތަކަކީ، ހަގީގަތުގައި، މި ހަރަކާތްތައް ފުޅާކުރުމަށް ތަރުބިއްޔަތު ކުރަމުންދާ ބާރުތަކެކެވެ.
އިމްޕިރިއަލިސްޓް ޕްރޮޖެކްޓެއްގެ ގޮތުގައި ގިނަ ބަޔަކު ދެކޭ އައިއެސް އިން ވަނީ އެ ޖަމިއްޔާގެ އެޖެންޑާ އާއި މަގުސަދުތައް ދުނިޔެއަށް ފާޅުގައި ހާމަކޮށްފަ އެވެ. ފަނާކުރުމާއި ބިރުވެރިކަން ފެތުރުމުގައި އޭގެ ދައުރު މިއަދުގެ ހަލަބޮލި ދުނިޔޭގައި ތިބި އެންމެންނަށް ވެސް ފާހަގަ ކުރެވެއެވެ. ހަގީގަތުގައި އައިއެސްގެ އަތްދަށުން މިނިވަންވެފައިވާ ދުނިޔެއަކީ އެއަށްވުރެ މާ ސުލްހަވެރި، ރައްކާތެރި، އަދި ކުރިއަރާފައިވާ ދުނިޔެއަކަށް ވާނެ- ކުރިއެރުމާއި ތަރައްގީއާ ދިމާއަށް އެއްވަރަކަށް ކުރިއަށްދާ ދުނިޔެއެކެވެ.
އައިއެސްގެ ގްލޯބަލް އިމްޕެކްޓް އަދި އޭގެ ފަނާކުރަނިވި އެޖެންޑާ
