ސޯމާލިއާގެ ޕަންޓްލޭންޑްގައި އައިއެސްގެ ވަރުގަދަ ތަންތަނުން ފަހަތަށް ޖެހެނީ

2024 ވަނަ އަހަރުގެ ފަހު މަސްތަކުގައި ސޯމާލިއާގެ އޮޓޮނޮމިކް ޕަންޓްލެންޑް ސަރަހައްދުގެ ސަލާމަތީ ބާރުތަކުން ވަނީ އައިއެސް ޚަވާރިޖާ ދެކޮޅަށް ބޮޑު އަސްކަރީ ކެމްޕޭނެއް ފަށާފައެވެ.  ނަތީޖާއެއްގެ ގޮތުން ހަނގުރާމަވެރިންގެ އަތުން 350 ކިލޯމީޓަރަށް ވުރެ ގިނަ ސަރަހައްދު އަނބުރާ ލިބިފައިވާއިރު، ދެމެހެއްޓެނިވި ހަމަލާގެ ތެރޭގައި އައިއެސްގެ އެތައް ސަތޭކަ ހަނގުރާމަވެރިން ނިއުޓްރަލައިޒް ނުވަތަ ނާޤާބިލުވެފައިވެއެވެ.

ފެބްރުއަރީ މަހުގެ ފަހުކޮޅު ޕަންޓްލޭންޑްގެ ސަލާމަތީ ބާރުތަކުން ވަނީ ގަލްގަލާ އާއި ދަސާން ސަރަހައްދުގައި ހަނގުރާމަވެރިންގެ ވަރުގަދަ ތަންތަން ސާފުކުރުމަށް ފަހު އައިއެސްއާ ދެކޮޅު އޮޕަރޭޝަންތައް ތިން ވަނަ މަރުހަލާއަކަށް ވަދެފައިވާކަން އިއުލާންކޮށްފަ އެވެ.  ކަމާބެހޭ ފަރާތްތަކުން ފާހަގަކުރި ގޮތުގައި މިހާރު ކުރެވެމުންދާ މަސައްކަތްތައް ފޯކަސްކޮށްފައިވަނީ އަލްމިސްކާދު ފަރުބަދަތަކާއި މުޤަރު އަދި މިރާލީ ވާދީގައި އައިއެސްގެ ބާކީ ހުރި އެންކްލޭވްތައް ނައްތާލުމަށެވެ.

ރަސްމީކޮށް ގެއްލުން ލިބުނު މީހުންގެ އަދަދު އަދި ހާމަކޮށްފައި ނުވި ނަމަވެސް، ސޯޝަލް މީޑިއާ ރިޕޯޓްތަކާއި އެ ޖަމާއަތުގެ އެތެރޭގެ މުއާމަލާތްތަކަށް އަހުލުވެރި މަސްދަރުތަކުން ދައްކާ ގޮތުގައި ލޯކަލް ހަނގުރާމަވެރިންގެ އިތުރުން ގިނަ އަދަދެއްގެ ބޭރު ހަނގުރާމަވެރިންނަށް ވެސް ބޮޑެތި ގެއްލުންތަކެއް ލިބިފައިވެ އެވެ.

ސޯމާލިއާ އަކީ އައިއެސްގެ އެންމެ ކެތްތެރި އެއް ގޮފި ކަމަށްވާއިރު، އެ ގޮފިން ވަނީ ލޯކަލް ރައްޔިތުންނާއި ވިޔަފާރި ކުންފުނިތަކުން ނިޒާމީ ގޮތެއްގައި ފައިސާ ހޯދައިގެން އެހެން ސަރަހައްދުތަކުގައި ހިންގުމަށް ފައިނޭންސްކޮށްފަ އެވެ.

ޕަންޓްލެންޑާއި އެމެރިކާ އަދި ޔުނައިޓެޑް އަރަބް އެމިރޭޓްސް އިން ކޯޑިނޭޓްކޮށް ހިންގާ އޮޕަރޭޝަންތަކުގެ ސަބަބުން ސޯމާލިއާގައި އައިއެސް ޚަވާރިޖަށް ނާކާމިޔާބީތަކާ ކުރިމަތިލާން ޖެހެ އެވެ.  މީގެ އިތުރުން ސޯމާލިއާ، އެމެރިކާ އަދި ތުރުކީގެ ސިފައިންގެ ޕްރެޝަރު ބޮޑުވި ނަމަވެސް، އަލްގައިދާއާ ގުޅިފައިވާ އަލްޝަބާބު ހަރަކާތުން ކުރިއެރުންތައް ހޯދަމުންދާއިރު، ވެރިރަށް މޮގަޑިޝޫއާ މަދު ކިލޯމީޓަރުތަކެއްގެ ތެރެއަށް ކުރިއަށް އެބަދެއެވެ.